കുണ്ടറ ജോണിയുടെ സംസ്‌കാര ചടങ്ങുകൾ നാളെ; ഇന്ന് ഉച്ചയോടെ മൃതദേഹം കുടുംബവീട്ടിൽ എത്തിക്കും

തിരുവനന്തപുരം: അന്തരിച്ച നടൻ കുണ്ടറ ജോണിയുടെ സംസ്‌കാര ചടങ്ങുകൾ നാളെ. ഇന്ന് രാവിലെ പത്ത് മണിക്ക് കൊല്ലം കടപ്പാക്കട സ്‌പോർട്‌സ് ക്ലബ്ബിൽ പൊതുദർശനത്തിന് വെച്ചു. ഉച്ചയോടെ കുണ്ടറയിലെ കുടുംബവീട്ടിലേക്ക് കൊണ്ടുപോകും.

കഴിഞ്ഞ ദിവസം രാത്രി പത്ത് മണിയോടെ കൊല്ലം ബെൻസിയർ ആശുപത്രിയിൽ വെച്ച് ഹൃദയാഘാതത്തെ തുടർന്നായിരുന്നു അന്ത്യം. ഹോട്ടലിൽ നിന്നും ഭക്ഷണം കഴിച്ച് മടങ്ങവെ ദേഹാസ്വസ്ഥ്യം അനുഭവപ്പെടുകയായിരുന്നു. ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.