കുന്നംകുളം: സംസ്ഥാന സ്‌കൂള്‍ കായികോത്സവത്തില്‍ സീനിയര്‍ ആണ്‍കുട്ടികളുടെ 400 മീറ്ററില്‍ റിക്കാര്‍ഡ് തകര്‍ത്ത് പൊന്നണിഞ്ഞ അഭിരാം താരമായി. 48.08 സെക്കന്‍ഡില്‍ പറന്നെത്തിയ അഭിരാമിന് മുന്നില്‍ പഴങ്കഥയായത് 2005ല്‍ കോതമംഗലം സെന്റ് ജോര്‍ജിന്റെ വി.ബി. ബിനീഷ് കുറിച്ച 48.23 സെക്കന്‍ഡ് സമയം. പല്ലംചാന്തനൂര്‍ അമ്പാടി വീട്ടില്‍ പ്രമോദ്-മഞ്ജുഷ ദമ്പതികളുടെ മകനാണ് അഭിരാം. മാത്തൂര്‍ സിഎഫ്ഡിഎസ് പ്ലസ് ടു വിദ്യാര്‍ഥിയാണ്. കെ. സുരേന്ദ്രനാണ് കോച്ച്.
കഴിഞ്ഞ വര്‍ഷത്തെ തിരുവനന്തപുരം മീറ്റിലും 400 മീറ്റര്‍ സ്വര്‍ണം അഭിരാമിനായിരുന്നു. ഏഷ്യന്‍ യൂത്ത് 4-400 റിലേ, 2022 യൂത്ത് നാഷണല്‍സ്, ഖേലോ ഇന്ത്യ, സീനിയര്‍ നാഷണല്‍ സ്‌കൂള്‍ തുടങ്ങിയ മീറ്റുകളിലെല്ലാം അഭിരാം സ്വര്‍ണമണിഞ്ഞു.
ബെംഗളൂരുവില്‍ നടന്ന സൗത്ത് സോണ്‍ ജൂനിയര്‍ അത്‌ലറ്റിക്‌സില്‍ പങ്കെടുത്തശേഷം തിരിച്ചെത്തിയാണ് അഭിരാം കുന്നംകുളത്തെത്തിയത്.
പ്രതികരിക്കാൻ ഇവിടെ എഴുതുക: