Kerala School Sports Festival:
കുന്നംകുളം: സംസ്ഥാന സ്‌കൂള്‍ കായികോത്സവത്തില്‍ ജൂനിയര്‍ പെണ്‍കുട്ടികളുടെ ഹൈജമ്പില്‍ മെഡലിനായി പൊരുതിയത് കൂട്ടുകാരികള്‍.
മലപ്പുറം ജില്ലയിലെ കടശ്ശേരി ഐഡിയല്‍ പബ്ലിക് സ്‌കൂളിലെ വിദ്യാര്‍ഥികളായ അശ്മിക. സി.പിയും മിന്‍സാര പ്രസാദുമാണ് സ്വര്‍ണ പോരാട്ടത്തില്‍ ഒപ്പത്തിനൊപ്പം പോരാടിയത്. ഒടുവില്‍ 1.56 മീറ്റര്‍ ഉയരം താണ്ടി അശ്മിക പൊന്നണിഞ്ഞു. കൂട്ടുകാരി മിന്‍സാര രണ്ട് സെന്റീമീറ്റര്‍ വ്യത്യാസത്തില്‍ വെള്ളികൊണ്ട് തൃപ്തയായി. 1 .46 മീറ്റര്‍ ചാടി കോട്ടയം ഭരണങ്ങാനം സിഎസ്എച്ച്എസ് എച്ച്ജിഎച്ച്എസ് സ്‌കൂളിലെ അഷ്‌ന ഷൈജു വെങ്കലം നേടി.
കോഴിക്കോട് കുറ്റിയാടി നരിയംപെറ്റ സ്വദേശികളായ ഭാസ്‌കരന്‍-ബിജി ദമ്പതിമാരുടെ മകളാണ് പത്താം ക്ലാസ്സ് വിദ്യാര്‍ത്ഥിനിയായ അശ്മിക പുല്ലൂരാംപാറ സെന്റ് ജോസഫ് എച്ച്എസ്എസ് സ്‌കൂളിലായിരുന്നു അവിടുത്തെ കായികാധ്യാപകനായ ടോമി ചെറിയാന്‍ സര്‍വീസില്‍ നിന്ന് വിരമിച്ചശേഷം ഐഡിയല്‍ സ്‌കൂളില്‍ പരിശീലകനായി പോന്നപ്പോള്‍ അശ്മികയും കൂടെ പോരുകയായിരുന്നു. കഴിഞ്ഞ വര്‍ഷം ആസാമില്‍ നടന്ന നാഷണല്‍ ജൂനിയര്‍ മീറ്റില്‍ 2022ല്‍ തിരുവനന്തപുരത്ത് നടന്ന സ്‌കൂള്‍ കായികോത്സവത്തില്‍ ഹൈജംപില്‍ റിക്കാര്‍ഡോടെ സര്‍ണം സ്വന്തമാക്കിയിട്ടുണ്ട് അശ്മിക. 1.47 മീറ്ററാണ് അന്ന് അശ്മിക താണ്ടിയ ഉയരം. കായിക താരം കൂടിയായ സഹോദരന്‍ അഭിജിത്ത് ഇരിങ്ങാലക്കുട ക്രൈസ്റ്റ് കോളജില്‍ പഠിക്കുന്നു.
പ്രതികരിക്കാൻ ഇവിടെ എഴുതുക: