പ്രശസ്ത ബോളിവുഡ് നടി നിഖിത റാവലിനെ വീട്ടിലെ ജോലിക്കാരന് തോക്കുചൂണ്ടി ഭീ ഷണിപ്പെടുത്തി പണം കവര്ന്നു. വീട്ടിലെ ജോലിക്കാരന് ഉള്പ്പെടെ ഒന്നിലധികം പേര് ചേര്ന്നാണ് നടിയെ ഭീഷണിപ്പെടുത്തി 3.5 ലക്ഷം രൂപ തട്ടിയെടുത്തത്.
പണം നല്കിയില്ലെങ്കില് കൊന്നുകളയുമെന്ന് ഭീഷണിപ്പെടുത്തിയത് കൊണ്ടാണ് പണം നല്കേണ്ടി വന്നതെന്ന് നിഖിത പറഞ്ഞു. സ്വന്തം വീട്ടിലെ ജീവനക്കാരനാണ് കവര്ച്ച നടത്തിയതെന്ന് വിശ്വസിക്കാന് കഴിയുന്നില്ലെന്നും താന് ഞെട്ടിപ്പോയെന്നും അവര് പറഞ്ഞു. ”ചിലര് ആദ്യം വിശ്വാസം നേടിയെടുക്കുകയും അത് ഇത്രത്തോളം ദുരുപയോഗം ചെയ്യുകയും ചെയ്യുന്നതില് ഖേദമുണ്ട്. ഒന്നിലധികം ഗുണ്ടകള് കഴുത്തില് കത്തിയുമായി ഭീഷണിപ്പെടുത്തി തോക്കിന് മുനയില് നിര്ത്തുമ്പോള് ശരിക്കും ഒന്നും ചെയ്യാന് കഴിയില്ല. ഒരുപാട് കഷ്ടപ്പെട്ട് വാങ്ങിയ ആഭരണങ്ങള്ക്കൊപ്പം 3.5 ലക്ഷം രൂപയും അവര് അപഹരിച്ചു” നിഖിത പറഞ്ഞു.
സംഭവത്തില് പോലീസ് കേസ് രജിസ്റ്റര് ചെയ്തിട്ടുണ്ട്. ജീവന് തിരിച്ചു കിട്ടിയതില് തനിക്ക് നന്ദിയുണ്ടെന്നും ചിലര് വിശ്വാസം നേടിയ ശേഷം മോശമായി പെരുമാറുന്നത് ദുഃഖകരമാണെന്നും നടി കൂട്ടിച്ചേര്ത്തു.
