കൊച്ചി: ഒരു കോടിരൂപ നഷ്ടപരിഹാരം ആവശ്യപ്പെട്ട് നടൻ അലൻസിയറിനെതിരെ ആർട്ടിസ്റ്റ് നമ്പൂതിരിയുടെ മകൻ ദേവൻ വക്കീൽനോട്ടീസ് അയച്ചു. സംസ്ഥാന ചലച്ചിത്ര പുരസ്കാരവേദിയിലെ വിവാദ പ്രസംഗത്തിന് ശേഷം നൽകിയ അഭിമുഖത്തിനിടെ അച്ഛനെ അപമാനിച്ചുവെന്ന് ചൂണ്ടിക്കാട്ടിയാണ് പരാതി.
സംസ്ഥാന ചലച്ചിത്ര പുരസ്‌കാര വേദിയിൽ പെൺപ്രതിമ നൽകി പ്രലോഭിപ്പിക്കരുതെന്നും മുഖ്യമന്ത്രി ഇരിക്കുന്നയിടത്ത് പൗരുഷമുള്ള ആൺ പ്രതിമ വേണമെന്ന അലൻസിയറിന്റെ പരാമർശം ഏറെ വിവാദം ആയിരുന്നു. ഇതിന് പിന്നാലെ സ്വകാര്യ ചാനലിന് നൽകിയ അഭിമുഖത്തിലായിരുന്നു ആർട്ടിസ്റ്റ് നമ്പൂതിരിയെക്കുറിച്ചുള്ള അലൻസിയറിന്റെ വിവാദ പ്രസ്താവന.
എന്തുകൊണ്ടാണ് നമ്പൂതിരി ഉണ്ടാക്കിയ പ്രതിമ തന്നെ നൽകുന്നത് എന്ന തരത്തിൽ ആയിരുന്നു അലൻസിയറിന്റെ പരാമർശം. ഇതിലാണ് ദേവൻ പരാതി നൽകിയിരിക്കുന്നത്. പുരസ്‌കാരത്തിനൊപ്പം നിൽക്കുന്ന ശിൽപ്പം ആർട്ടിസ്റ്റ് നമ്പൂതിരി രൂപകൽപ്പന ചെയ്തതല്ല. എന്നിട്ടും അഭിമുഖത്തിൽ അദ്ദേഹത്തിന്റെ പേര് പരാമർശിച്ചു. വ്യക്തിപരമായും ജാതീയമായും അദ്ദേഹത്തെ അധിക്ഷേപിച്ചുവെന്നും ദേവൻ വ്യക്തമാക്കി.
കലാസംവിധായകനാണ് ദേവൻ.
പ്രതികരിക്കാൻ ഇവിടെ എഴുതുക