ബെയ് ജിങ് : ഇസ്രയേല് പ്രതിരോധം അതിരുകവിഞ്ഞുപോകുന്നുവെന്ന ഇസ്രയേലിനെ കടുത്ത ഭാഷയില് വിമര്ശിച്ച് ചൈന. ചൈനയുടെ വിദേശകാര്യമന്ത്രി വാങ് യി ആണ് ഈ വിമര്ശനം ഉന്നയിച്ചത്.
ഇതുവരെ ഇസ്രയേല് – ഹമാസ് യുദ്ധത്തില് ഒരു നിലപാടും പറയാതിരുന്ന ചൈനയാണ് ഇസ്രയേലിനെ വിമര്ശിച്ച് രംഗത്തെത്തിയിരിക്കുന്നത്. ഇതുവരെയും ഈ യുദ്ധത്തിന് കാരണമായ ഹമാസ് തീവ്രവാദികള് നടത്തിയ ആക്രമണത്തെയും ചൈന അപലപിച്ചിട്ടില്ല.
അതേ സമയം അമേരിക്കയും യുകെയും ഇസ്രയേലിനെ അനുകൂലിച്ച് രംഗത്തെത്തിയിരുന്നു. സ്വയം പ്രതിരോധിക്കാനുള്ള അവകാശം ഇസ്രയേലിനുണ്ടെന്നായിരുന്നു യുഎസിന്റെയും യുകെയുടെയും അവകാശവാദം.
ഗാസയിലെ പൗരന്മാരെ കൂട്ടത്തോടെ ശിക്ഷിക്കുന്ന രീതി സ്വയം പ്രതിരോധത്തിന്റെ അതിര്വരമ്പ് ലംഘിക്കുന്നതാണെന്നും അത് അവസാനിപ്പിക്കണമെന്നും ചൈനയുടെ വിദേശകാര്യമന്ത്രി പറഞ്ഞു.
