ജനപ്രീയ ആപ്ലിക്കേഷനായ വാട്ട്സ്ആപ്പിൽ അടുത്തിടെ നിരവധി അപ്ഡേറ്റുകളാണ് പുറത്തു വന്നത്. നിശ്ചിത ഇടവേളകളിൽ ചില പഴയ സ്മാർട്ഫോൺ മോഡലുകളിൽ വാട്ട്സ്ആപ്പ് സേവനം നൽകുന്നത് കമ്പനി നിർത്തലാക്കാറുണ്ട്. ഇത്തവണയും കമ്പനി ചില ഫോണുകളുടെ പട്ടിക പുറത്തിറക്കിയിരുന്നു. ഇനി വിരലിൽ എണ്ണാവുന്ന ദിവസങ്ങൾ മാത്രമാണ് ഈ ഫോണുകളിൽ വാട്ട്സ്ആപ്പ് സേവനം ലഭ്യമാകുക. പുതിയ ഓഎസ് വേർഷനുകളിൽ ഫീച്ചറുകൾ എത്തിക്കാൻ ശ്രദ്ധ കേന്ദ്രീകരിക്കുന്നതിന് വേണ്ടിയാണ് ഈ നീക്കം.
ആൻഡ്രോയിഡ് 4.1-ലും ഇതിന് മുമ്പുള്ള പതിപ്പുകളിലും പ്രവർത്തിക്കുന്ന ഫോണുകളിൽ വാട്ട്സ്ആപ്പ് ലഭ്യമാകില്ലെന്നാണ് കമ്പനി അറിയിച്ചിരിക്കുന്നത്. ചില ഐഫോൺ മോഡലുകളും ഇക്കൂട്ടത്തിലുണ്ട്. ഒക്ടോബർ 24-ന് ശേഷം ഈ ഫോണുകളിൽ സേവനം ലഭ്യമാകില്ല. പത്ത് ദിവസം മാത്രമാണ് ഇനി ഈ ഫോണുകളിൽ സേവനം ലഭ്യമാകുക.
സേവനം അവാസനിപ്പിക്കുന്നതിന് മുന്നോടിയായി ഫോൺ അപ്ഗ്രേഡ് ചെയ്യുന്നതിനുള്ള അറിയിപ്പ് ഉടമകൾക്കെല്ലാം വാട്ട്സ്ആപ്പ് നൽകുന്നതായിരിക്കും. പഴയ സീരിസിൽ ഉൾപ്പെടുന്ന ഫോണുകളായതിനാൽ ഇവ ഉപയോഗിക്കുന്നവരുടെ എണ്ണം വളരെ കുറവായിരിക്കാനാണ് സാദ്ധ്യത.
വാട്ട്സ്ആപ്പ് സേവനം നഷ്ടമാകുന്ന ഫോണുകൾ…
Samsung Galaxy S2, Nexus 7, iPhone 5, iPhone 5c, Archos 53 Platinum, Grand S Flex ZTE, Grand X Quad V987 ZTE, HTC Desire , HTC Desire 500, Huawei Ascend D, Huawei Ascend D1, HTC One, Sony Xperia Z, LG Optimus G Pro, Samsung Galaxy Nexus, HTC Sensation, Motorola Droid Razr, Sony Xperia S2, Motorola Xoom, Samsung Galaxy Tab 10.1, Asus Eee Pad Transformer, Acer Iconia Tab A5003, Samsung Galaxy S, HTC Desire HD, LG Optimus 2X, Sony Ericsson Xperia Arc3.
