അഹമ്മദാബാദ്: പന്തെറിയാന് പോകുന്ന ഹാര്ദ്ദിക് പാണ്ഡ്യ ഇതുവരെ ചെയ്യാത്ത ഒരു കാര്യമാണ് പാകിസ്ഥാനെതിരായ മത്സരത്തില് ശനിയാഴ്ച ചെയ്തത്. പന്തെടുത്ത് ചുണ്ടോടടുപ്പിച്ച് എന്തോ ഒരു മന്ത്രം ഉരുവിട്ടു. ആ പന്തില് പാകിസ്ഥാന് ഓപ്പണര് ഇമാം ഉള് ഹഖിന്റെ വിക്കറ്റ് വീണു. വിക്കറ്റ് കീപ്പറുടെ ക്യാച്ച്!
These stump mics are getting out of hand.🤯#INDvPAK #INDvsPAK2023 #HardikPandya pic.twitter.com/RDG9uMllCO
— OTTplay (@ottplayapp) October 14, 2023
തൊട്ടുമുമ്പത്തെ പന്ത് ബൗണ്ടറിയിലേക്ക് പായിച്ച് ക്രീസില് ഭീഷണിയായി വളരുകയായിരുന്നു ഇമാം ഉള് ഹഖ്. അപ്പോഴാണ് ഒരു നിശ്ശബ്ദമായ പ്രാര്ത്ഥന പോലെ അടുത്ത പന്തെറിയും മുന്പ് ഹാര്ദ്ദിക് പാണ്ഡ്യയുടെ വിചിത്രമായ ആക്ഷന്. ഉടനെ വിക്കറ്റും കിട്ടി. ഇതോടെ സമൂഹമാധ്യമങ്ങളില് ഹാര്ദ്ദികിന്റെ ഈ ആത്മീയ ആക്ഷന് വൈറലായി. “ഹിന്ദുപ്രാര്ത്ഥന ഫലിച്ചു, പാക് വിക്കറ്റ് വീണു” – എന്നൊക്കെയായിരുന്നു സമൂഹമാധ്യമങ്ങളിലെ പ്രതികരണങ്ങള്.
വിക്കറ്റ് കിട്ടിയതോടെ ഹാര്ദ്ദിക് പാണ്ഡ്യയുടെ ആഹ്ളാദപ്രകടനവും വിചിത്രമായിരുന്നു. ഇമാം ഉള് ഹഖിനോട് ക്രീസ് വിട്ട് പോകാന് പറയുന്ന രീതിയില് ആക്ഷന് കാട്ടിയായിരുന്നു ഹാര്ദ്ദിക് പാണ്ഡ്യയുടെ ആഹ്ളാദപ്രകടനം. എന്തായാലും ആരെയാണ് ഹാര്ദ്ദിക് പാണ്ഡ്യ പ്രാര്ത്ഥിച്ചത് ? ഏത് മന്ത്രമാണ് ഹാര്ദ്ദിക് പാണ്ഡ്യ ഉരുവിട്ടത്?- ഉത്തരം ബാക്കിയാക്കി സമൂഹമാധ്യമങ്ങളില് ഉയരുന്ന ചോദ്യങ്ങള് നിരവധിയാണ്.
