തിരുവനന്തപുരം: ഏറെ കാലമായി പരിഹരിക്കപ്പെടാത്ത പ്രശ്‌നത്തിന്റെ ഫലമായാണ് ഹമാസ് ഇസ്രായേലില്‍ ഭീകരാക്രമണം നടത്തിയതെന്ന് സിപിഎം സംസ്ഥാന സെക്രട്ടറി എംവി ഗോവിന്ദന്‍. പാലസ്തീന്‍ ജനതയ്‌ക്ക് സ്വന്തമായ രാജ്യം വേണമെന്ന ആവശ്യം നടപ്പായില്ല.സിപിഎം കേന്ദ്ര കമ്മിറ്റി ഇക്കാര്യം വിശദമായി ചര്‍ച്ച ചെയ്തു.
ഗാസയുടെ ഇന്നത്തെ അവസ്ഥ ദയനീയമാണ്. ജൂതന്‍മാര്‍ പലസ്തീനില്‍ അനധികൃതമായി കുടിയേറുന്നു.രണ്ടു ഭാഗത്തും വലിയകുരുതിയാണ് നടന്നത്. ഹമാസ് ഇപ്പോള്‍ നടത്തിയ ആക്രമണം പരിഹാരമല്ല.മധ്യേഷ്യയില്‍ സമാധാനം ഉറപ്പ് വരുത്തണം.ഈ മാസം 20 മുതല്‍ ഏരിയ തലങ്ങളില്‍ വലിയ കൂട്ടായ്മ സിപിഎം സംഘടിപ്പിക്കുമെന്നും അദ്ദേഹം പറഞ്ഞു.
സ്വയം പ്രതിരോധിക്കുന്ന ഇസ്രായേല്‍ ഹമാസ് ഭീകരരെ തുരത്തിയൊടിക്കുകയാണ്. വടക്കന്‍ ഗാസയിലെ 11 ലക്ഷം ജനങ്ങളോട് 24 മണിക്കൂറിനുള്ളില്‍ നാട് വിടാന്‍ ഇസ്രയേല്‍ സൈന്യം നിര്‍ദേശിച്ചു. ഇതിലും വലിയ പ്രത്യാക്രമണത്തിനാണ് ഇസ്രായേല്‍ സൈന്യം പദ്ധതിയിടുന്നതെന്നാണ് വിവരം. എന്നാല്‍ ആളുകളോട് ഒഴിയാതെ ജനങ്ങള്‍ തുടരണമെന്നാണ് ഹമാസ് ആവശ്യപ്പെട്ടത്. ഗാസയില്‍ ഇസ്രയേലിന്റെ ബോംബാക്രമണത്തില്‍ കൊല്ലപ്പെട്ടവരുടെ എണ്ണം 1500 കടന്നു.
പ്രതികരിക്കാൻ ഇവിടെ എഴുതുക: