പത്തനംതിട്ട: തമിഴ്നാട്ടിൽ 105 കിലോ കഞ്ചാവ് പിടിച്ച സംഭവത്തിൽ മുഖ്യ പ്രതി അടുർ സ്വദേശി അറസ്റ്റിൽ. അടൂർ പറക്കോട് ലത്തീഫ് മൻസിലിൽ അജ്മലിയാണ് അറസ്റ്റിലായത്. അടൂർ പോലീസും തമിഴ്നാട് പോലീസും ചേർന്നാണ് പ്രതിയെ പിടികൂടിയത്. ഒക്ടോബർ ഏഴിന് കൊല്ലം-തിരുമംഗലം പാതയിലെ തെങ്കാശി ശിവഗിരി ചെക്ക്പോസ്റ്റിൽ നിന്നാണ് 105 കിലോ കഞ്ചാവ് തമിഴ്നാട് പോലീസ് കണ്ടെത്തിയത്.
വാഹനത്തിന്റെ ഡ്രൈവർ തമിഴ്നാട് സ്വദേശിയായ പുളിയങ്കുടി കർപ്പഗവീഥി സ്ട്രീറ്റിൽ മുരുഗാനന്ദം, എറണാകുളം സ്വദേശി ബഷീർ എന്നിവരെ അന്ന് തന്നെ പോലീസ് പിടികൂടിയിരുന്നു. പിന്നാലെ നടത്തിയ അന്വേഷണത്തിലാണ് അജ്മലുമായുള്ള ബന്ധം കണ്ടെത്തിയത്.
പിന്നാലെ തമിഴ്നാട് പോലീസ് അടൂർ പോലീസിന്റെ സഹായം തേടുകയായിരുന്നു. അടൂരിലെത്തിയ തമിഴ്നാട് ഉദ്യോഗസ്ഥരും അടൂർ പോലീസും ഇളമണ്ണൂരിലെ ഒളിവിടത്തിൽ നിന്നും പ്രതിയെ പിടികൂടുകയായിരുന്നു.
