തിരുവനന്തപുരം: വെള്ളിയാഴ്ച ഇസ്രയേലിനെതിരായ ആഗോള പ്രതിഷേധ ദിനത്തില് ലോകമെമ്പാടുമുള്ള മുസ്ലീങ്ങള് തെരുവിലിറങ്ങാന് ആഹ്വാനം ചെയ്തത് ഹമാസിന്റെ നേതാവായിരുന്ന ഖാലിദ് മഷാല് ആണ്. ‘ജിഹാദ് പഠിപ്പിക്കുന്ന എല്ലാ പണ്ഡിതന്മാര്ക്കും. പഠിപ്പിക്കുകയും പഠിക്കുകയും ചെയ്യുന്ന എല്ലാവര്ക്കും, ഇത് ജിഹാദിന്റെ പ്രയോഗത്തിനുള്ള നിമിഷമാണ്’ എന്നായിരുന്നു ഖാലിദിന്റെ അറിയിപ്പ്. ഇസ്രായേലിന് ചുറ്റുമുള്ള രാജ്യങ്ങളില് താമസിക്കുന്ന മുസ്ലിംകളോട് അദ്ദേഹം പ്രത്യേക അഭ്യര്ത്ഥനയും നടത്തി:
‘ജോര്ദാനിലെ ഗോത്രങ്ങള്, ജോര്ദാന്റെ പുത്രന്മാര്, ജോര്ദാന്റെ സഹോദരീസഹോദരന്മാര് … ഇത് സത്യത്തിന്റെ നിമിഷമാണ്, അതിര്ത്തികള് നിങ്ങള്ക്ക് അടുത്താണ്, നിങ്ങളുടെ ഉത്തരവാദിത്തം നിങ്ങള്ക്കറിയാം’ എന്നതായിരുന്നു അത്. അതിര്ത്തികടന്നുചെന്ന് ഇസ്രയേലിനെ ആ്ക്രമിക്കാനുള്ള പരസ്യ ആഹ്വാനമായിരുന്നു അത്..
സിറിയയില് നിന്ന് പുറത്താക്കിയതോടെ ഖത്തറില് പ്രവാസ ജീവിതം നയിക്കുന്ന ഖാലിദ് മഷാലിന്റെ വാക്കുകള് അനുസരിക്കാന് കേരളത്തിലും ആളുകള് രംഗത്തുവന്നിരിക്കുന്നു.കേരളത്തിലെ ജിഹാദി സംഘടനകള് ‘ആവേശപൂര്വ്വം’ ജിഹാദിദിനാചരണം ‘നടപ്പില് വരുത്താന്’ തയ്യാറെടുത്തു പ്രഖ്യാപിച്ചിരിക്കുകയാണ്.
കേരളത്തിലെ ജിഹാദിമതപണ്ഡിതന്മാരുടെ സംഘടനകള്,
നിരോധിതസംഘടനകള്, അവരുടെ നിരോധിക്കപ്പെടാത്ത ഉപസംഘടനകള്, തീവ്രമതസംഘടനകള്, രാഷ്ടീയപാര്ട്ടി ലേബലില് അറിയപ്പെടുന്ന ജിഹാദി സംഘടനകള് ഇവയൊക്കെയും ഖാലീദിന്റെ ആഹ്വാനം ഏറ്റെടുത്ത് കൊണ്ട് ‘വിവിധ സ്വഭാവത്തില്’ ഉള്ള ജിഹാദിദിനാചരണങ്ങള് പ്രഖ്യാപിച്ചിട്ടുണ്ട്.
ഹമാസ് എന്ന ഭീകരസംഘടനയുടെ നേതാവ് ‘ആഹ്വാനിക്കുമ്പോള്’ അത് വെള്ളം തൊടാതെ ഏറ്റെടുത്ത് നടപ്പിലാക്കാന് കേരളത്തില് ചിലര് തയ്യാറാകുന്നു എന്നത് നിസ്സാരമല്ല.വിവിധ പേരുകളില് ഹമാസ് ഇവിടെ പ്രവര്ത്തിക്കുന്നു എന്ന് കൂടി അതിന് അര്ത്ഥമുണ്ട്.
