തിരുവനന്തപുരം: കെഎസ്എഫ്ഇയുടെ മൊബൈല് ആപ്ലിക്കേഷന് കെഎസ്എഫ്ഇ പവറിന്റെ ഉദ്ഘാടനം മന്ത്രി കെ.എന്. ബാലഗോപാല് നിര്വഹിച്ചു. കെഎസ്എഫ്ഇ പവറിലൂടെ ചിട്ടി ഇടപാടുകളെല്ലാം അനായാസം ഇനി നടത്താന് കഴിയുമെന്നും കെഎസ്എഫ്ഇയുടെ മൂലധനം ഇരട്ടിയായി വര്ധിപ്പിക്കാനുള്ള ചര്ച്ചകള് പുരോഗമിക്കുകയാണെന്നും മന്ത്രി പറഞ്ഞു.
തിരുവനന്തപുരം റസിഡന്സി ടവര് കോണ്ഫറന്സ് ഹാളില് സംഘടിപ്പിച്ച പരിപാടിയില് മന്ത്രി ആന്റണി രാജു അദ്ധ്യക്ഷനായി. കെഎസ്എഫ്ഇ ചെയര്മാന് കെ. വരദരാജന്, മാനേജിങ് ഡയറക്ടര് ഡോ. എസ്.കെ. സനില്, ഡയറക്ടര് ബോര്ഡ് അംഗം ഡോ. ശശികുമാര്, തമ്പാനൂര് വാര്ഡ് കൗണ്സിലര് സി. ഹരികുമാര്. കെഎസ്എഫ്ഇഎസ്എ ജനറല് സെക്രട്ടറി മുരളീകൃഷ്ണപിള്ള, കെഎസ്എഫ്ഇഒഎ ജനറല് സെക്രട്ടറി എന്.എ. മന്സൂര്, കെഎസ്എഫ്ഇഒയു ജനറല് സെക്രട്ടറി എസ്. അരുണ് ബോസ്, എഫ്ഇഇഎ ജനറല് സെക്രട്ടറി എസ്. വിനോദ് എന്നിവര് പങ്കെടുത്തു.
