ന്യൂദല്ഹി: ഭാരതത്തിന്റെ പാസ്പോര്ട്ടുമായി വിദേശരാജ്യങ്ങളില് പോകുമ്പോള് വളരെ ആദരവ് ലഭിക്കുന്നതായി ബോളിവുഡ് താരം അക്ഷയ്കുമാര്. നരേന്ദ്ര മോദി പ്രധാനമന്ത്രിയായതിനുശേഷമാണ് ഈ മാറ്റമുണ്ടായതെന്നും ഒരു ഇംഗ്ലീഷ് ചാനലിനു നല്കിയ അഭിമുഖത്തില് അദ്ദേഹം പറഞ്ഞു. അടുത്തിടെയാണ് നടന് അക്ഷയ് കുമാറിന് ഭാരത പാസ്പോര്ട്ട് ലഭിച്ചത്. നരേന്ദ്ര മോദി പ്രധാനമന്ത്രിയായ ശേഷം രാജ്യം കൈവരിച്ച നേട്ടങ്ങളില് അഭിമാനമുണ്ടെന്നും അദ്ദേഹം പറഞ്ഞു.
‘ഭാരതം വളരെ മുന്നേറി എന്ന ഒരു ഫീലാണ് വിദേശത്തെ വിമാനത്താവളങ്ങളില് പാ
സ്പോര്ട്ട് കാണിക്കുമ്പോള് ലഭിക്കുന്നത്. നമ്മള് വിദേശത്താണെങ്കില് ഇപ്പോള് ഏറെ ആദരവ് കിട്ടുന്നു. ‘അവര് ഓ, നിങ്ങള് മോദിയുടെ രാജ്യത്ത് നിന്നാണോ വരുന്നത് എന്ന് ചോദിക്കുന്നു’ അക്ഷയ് കുമാര് പറയുന്നു. ബോളിവുഡിലെ സൂപ്പര് താരങ്ങളില് ഒരാളാണ് അക്ഷയ് കുമാര്. ഭാരതത്തില് മാത്രമല്ല കാനഡയിലും അമേരിക്കയിലും യുകെയിലും വരെ അക്ഷയ്ക്ക് ആരാധകരുണ്ട്. അതിനാല് തന്നെ വിദേശത്തും അക്ഷയ് കുമാറിന്റെ സിനിമകള്ക്ക് വലിയ സ്വീകാര്യതയാണ് ലഭിക്കുന്നത്.
ബിജെപി പ്രചാരകനാണെന്ന ആരോപണവും നടന് നിഷേധിച്ചു. അതേസമയം ‘ടോയ്ലറ്റ്: ഏക് പ്രേം കഥ’ പോലുള്ള ചിത്രങ്ങളിലൂടെ താന് ബിജെപിയെ പ്രമോട്ട് ചെയ്യുന്നുവെന്ന ആരോപണങ്ങള്ക്കും അക്ഷയ് മറുപടി നല്കി. ആരാണ് അധികാരത്തില് എന്നത് തനിക്കൊരു വിഷയമല്ലെന്നും രാഷ്ട്രത്തിന്റെ പുരോഗതിയാണ് പ്രധാനമെന്നും അദ്ദേഹം പറഞ്ഞു. മോദിയുടെ മാനുഷിക വശങ്ങളെക്കുറിച്ചറിയാനാണ് ശ്രമിച്ചതെന്നും താരം മറ്റൊരു ഇംഗ്ലീഷ് പത്രത്തിന് നല്കിയ അഭിമുഖത്തില് പറഞ്ഞു.
