കെജിഒ സംഘ് സംസ്ഥാന സമ്മേളനം കോട്ടയത്ത്

കോട്ടയം: കേരള ഗസറ്റഡ് ഓഫീസേഴ്‌സ് സംഘ് 26-ാം സംസ്ഥാന സമ്മേളനം 13, 14 തീയതികളില്‍ കോട്ടയം തിരുനക്കര എന്‍എസ്എസ് കരയോഗം ഹാളില്‍ നടക്കും. 13ന് രാവിലെ 10ന് കോട്ടയം ബിഎംഎസ് ഹാളില്‍ സംസ്ഥാന ഭാരവാഹി യോഗം. രണ്ടിന് പ്രസിഡന്റ് ബി. മനുവിന്റെ അദ്ധ്യക്ഷതയില്‍ സംസ്ഥാന കൗണ്‍സില്‍ ബിഎംഎസ് ദേശീയ സമിതിയംഗം കെ.കെ. വിജയകുമാര്‍ ഉദ്ഘാടനം
ചെയ്യും.

14ന് രാവിലെ 10.30ന് തിരുനക്കര എന്‍എസ്എസ് കരയോഗം ഹാളില്‍ സംസ്ഥാന സമ്മേളനം മുന്‍ പിഎസ്‌സി ചെയര്‍മാന്‍ ഡോ.കെ.എസ്. രാധാകൃഷ്ണന്‍ ഉദ്ഘാടനം ചെയ്യും. ബിഎംഎസ് ദക്ഷിണ ക്ഷേത്രീയ സഹസംഘടന സെക്രട്ടറി എം.പി. രാജീവന്‍ പ്രഭാഷണം നടത്തും. 11.30ന് സാംസ്‌കാരിക സമ്മേളനത്തില്‍ സംസ്ഥാന വൈസ് പ്രസിഡന്റ് മുരളി എം. നായര്‍ അധ്യക്ഷനാകും. ആര്‍എസ്എസ് കോട്ടയം വിഭാഗ് കാര്യവാഹ് എസ്. സാനു ഉദ്ഘാടനം ചെയ്യും. 12.30ന് അനുമോദനയോഗത്തില്‍ സംസ്ഥാന വൈസ് പ്രസിഡന്റ് പി.പി. രമേശ് അധ്യക്ഷനാകും.

ബിഎംഎസ് കോട്ടയം ജില്ലാ പ്രസിഡന്റ് എസ്. വിനയകുമാര്‍ ഉദ്ഘാടനം ചെയ്യും. രണ്ടിന് യാത്രയയപ്പ് സമ്മേളനം. സംസ്ഥാന വൈസ് പ്രസിഡന്റ് ഡോ. കെ. വിശ്വനാഥ് അധ്യക്ഷനാകും. ബിഎംഎസ് സംസ്ഥാന പ്രസിഡന്റ് സി. ഉണ്ണികൃഷ്ണന്‍ ഉണ്ണിത്താന്‍ ഉദ്ഘാടനം നിര്‍വ്വഹിക്കും.

2.30ന് സംഘടനാ ചര്‍ച്ചയില്‍ സംസ്ഥാന വൈസ് പ്രസിഡന്റ് എന്‍.വി. ശ്രീകല അധ്യക്ഷയാകും. 3.30ന് ഭാരവാഹി തെരഞ്ഞെടുപ്പ്, നാലിന് സമാപന സമ്മേളനം ആര്‍ആര്‍കെഎംഎസ് അഖിലേന്ത്യാ വൈസ് പ്രസിഡന്റ് പി. സുനില്‍കുമാര്‍ ഉദ്ഘാടനം ചെയ്യും.