പാലക്കാട്: ഒറ്റപ്പാലം നഗരസഭാ കൗണ്‍സില്‍ യോഗത്തില്‍ സംഘര്‍ഷം. കൗണ്‍സിലര്‍മാര്‍ തമ്മില്‍ വാക്കേറ്റവും കൈയ്യാങ്കളിയും ഉണ്ടായി.
ഒറ്റപ്പാലം താലൂക്ക് ആശുപത്രിയിലെ വിവാദങ്ങളെ സംബന്ധിച്ച ചര്‍ച്ചയ്‌ക്കിടെയായിരുന്നു സംഘര്‍ഷമുണ്ടായത്. നഗരസഭ യോഗം ആരംഭിച്ച് അല്‍പസമയത്തിനകം കൗണ്‍സിലര്‍മാര്‍ ചേരിതിരിഞ്ഞ് വാക്‌പോര് നടത്തുകയായിരുന്നു.
യുഡിഎഫ് അംഗം എം ഗോപന്‍ സംസാരിക്കവെ സിപിഎം കൗണ്‍സിലര്‍മാര്‍ പ്രതിരോധം തീര്‍ത്തതോടെ തര്‍ക്കവും ബഹളവും ഉടലെടുത്തു.
സിപിഎമ്മിനെതിരെ ബിജെപിയം തിരിഞ്ഞതോടെ തര്‍ക്കം കൈയ്യാങ്കളിയായി.മുതിര്‍ന്ന അംഗങ്ങള്‍ ഇടപെട്ടാണ് ഇരു വിഭാഗത്തെയും പിരിച്ചുവിട്ടത്.
പ്രതികരിക്കാൻ ഇവിടെ എഴുതുക: