ഹൈദരാബാദ്: ഏകദിന ലോകകപ്പില് നെതര്ലാന്ഡ്സിനെതിരെ ആദ്യം ബാറ്റ് ചെയ്ത പാകിസ്ഥാന് 49 ഓവറില് 286 റണ്സ് നേടി.തുടക്കത്തിലെ തകര്ച്ചയ്ക്ക് ശേഷം കരകയറുകയായിരുന്നു പാകിസ്ഥാന്.
ടോസ് നേടിയ നെതര്ലാന്ഡ്സ് ടീം ബൗളിംഗ് ആണ് തെരഞ്ഞെടുത്തത്. 38 റണ്സെടുക്കുന്നതിനിടെ ഫഖര് സമാന്, ഇമാം ഉള് ഹഖ്, ബാബര് അസമും കൂടാരം കയറി.
നാലാം വിക്കറ്റില് മുഹമ്മദ് റിസ്വാനും സൗദ് ഷക്കീലും ഒന്നിച്ചതോടെയാണ് റണ്ണൊഴുക്കിന് വേഗതകൂട്ടിയത്. റിസ്വാന് 75 പന്തില് 68 റണ്സും ഷക്കീല് 52 പന്തില് 68 റണ്സുമെടുത്തു.നാലാം വിക്കറ്റില് 120 റണ്സിന്റെ കൂട്ടുകെട്ട് പടുത്തുയര്ത്തി.
ഇരുവരും പുറത്തായതിന് പിന്നാലെ മുഹമ്മദ് നവാസും ഷദാബ് ഖാനും നന്നായി ബാറ്റ് വീശി.നവാസ് 39റണ്സും ഷദാബ് 32 റണ്സെടുത്തു. നെതര്ലാന്ഡ്സിനായി ബാസ് ഡി ലീഡ്സ് നാല് വിക്കറ്റുകള് വീഴ്ത്തി.
