തിരുവനന്തപുരം: രണ്ടാമത്തെ വന്ദേഭാരതിന്റെ ആദ്യ യാത്രയെകുറിച്ച് കെ.മുരളീധരൻ കുറ്റം പറയുന്നത് അസൂയകൊണ്ടാണെന്ന് ബിജെപി സംസ്ഥാന ജനറൽസെക്രട്ടറി എം.ടി.രമേശ് പറഞ്ഞു.
രണ്ടാം വന്ദേഭാരത് യാത്രയെ കുറിച്ചുള്ള കെ.മുരളീധരന്റെ പ്രസ്താവനയോട് പ്രതികരിക്കുകയായിരുന്നു എം.ടി,രമേശ്. വന്ദേഭാരത് ഏതെല്ലാം സ്റ്റേഷനിൽ എത്രസമയം നിർത്തുമെന്ന് മുന്നേ തീരുമാനിച്ചതാണ്.
വി. മുരളീധരന് നാട്ടുകാരും പ്രവർത്തകരും മാലയിട്ടതിൽ കുറ്റം പറഞ്ഞിട്ട് കാര്യമില്ല. മലപ്പുറത്ത് ഇ.ടി.മുഹമ്മദ് ബഷീറിനാണ് ലീഗ് പ്രവർത്തകർ മാലയിട്ടത്. അതുപോലെ കോൺഗ്രസ്സ് പ്രവർത്തകരെ കൊണ്ട് മാലയിടിക്കാൻ കെ.മുരളീധരന് കോൺഗ്രസ്സിൽ ആരും ഇല്ലാത്ത് കൊണ്ടാകാം. അതിന് അസൂയപ്പെട്ടിട്ട് കാര്യമില്ല, അസൂയയ്ക്കും കുശുമ്പിനും മരുന്നില്ല, അതിന് സ്വയം ചികിത്സ നടത്തണമെന്നും എം.ടി.രമേശ് പറഞ്ഞു.
ജന്മഭൂമി ഓണ്ലൈന്