ന്യൂദല്ഹി: കനേഡ പ്രധാനമന്ത്രി ജസ്റ്റിന് ട്രൂഡോ വിമാനം നിറയെ കൊക്കെയ്നുമായാണ് ജി-20 ഉച്ചകോടിയില് പങ്കെടുക്കുന്നതി ന് ഭാരതത്തിലെത്തിയതെന്ന വെളിപ്പെടുത്തല്. .മുന്നയതന്ത്ര ഉദ്യോഗസ്ഥന് ദീപക് വോഹ്റയാണ് ജസ്റ്റിന് ട്രൂഡോയ്ക്കെതിരെ ചാനല് ചര്ച്ചയില് ആരോപണം ഉന്നയിച്ചത്. രണ്ടുദിവസം അദ്ദേഹത്തിന്റെ മുറിയില് ഇത് ഒളിപ്പിച്ചെന്നും അമേരിക്കയിലെ മുന് അബാസിഡറായിരുന്ന ദീപക് വോഹ്റ ചാനല് ചര്ച്ചയില് ആരോപിച്ചു. ലഹരി മരുന്ന് ഉപയോഗിച്ച ശേഷമുള്ള മയക്കത്തിലായതിനാലാണ് രാഷ്ട്രപതി ഒരുക്കിയ പ്രത്യേക അത്താഴ വിരുന്നില് ട്രൂഡോ പങ്കെടുക്കാതിരുന്നതെന്നും ദേശീയ മാധ്യമത്തിനു നല്കിയ അഭിമുഖത്തില് വോഹ്റ പറഞ്ഞു.
നായ്ക്കളെ ഉപയോഗിച്ച് നടത്തിയ പരിശോധനയില് അദ്ദേഹത്തിന്റെ വിമാനത്തില് കൊക്കെയ്നുള്ളതായി കണ്ടെത്തിയതായി വിശ്വസനീയ വൃത്തങ്ങളില്നിന്നു വിവരം ലഭിച്ചതായും ദീപക് വോഹ്റ പറഞ്ഞു.
ട്രൂഡോയ്ക്കായി, സെന്ട്രല് ഡല്ഹിയിലെ ലളിത് ഹോട്ടലില് ഒരുക്കിയിരുന്ന കനത്ത സുരക്ഷയുള്ള മുറി ഒഴിവാക്കിയതും വിമാനത്തിന്റെ സാങ്കേതിക തകരാര് കാരണം അദ്ദേഹം തിരിച്ചു പോകേണ്ടിയിരുന്ന വിമാനം രണ്ട് ദിവസത്തേക്ക് ഭാരതത്തില് കുടുങ്ങിയതതും വാര്ത്തയായിരുന്നു. സംഭവങ്ങള്ക്ക് കൊക്കെയ്ന് കടത്തുമായി ബന്ധമുണ്ട് എന്ന സൂചനയാണ് ലഭിക്കുന്നത്.
ജി 20 ഉച്ചകോടിക്കായി എത്തിയ വിവിധ രാജ്യങ്ങളുടെ തലവന്മാര്ക്കായി നിശ്ചയിച്ചിട്ടുള്ള മാനദണ്ഡങ്ങള് അനുസരിച്ച്, ലോകനേതാക്കളെ കര്ശനമായ സുരക്ഷാ സംവിധാനങ്ങളോടെ പ്രത്യേക ഹോട്ടല് മുറികളില് പാര്പ്പിക്കണം. ട്രൂഡോയ്ക്കായി, സെന്ട്രല് ഡല്ഹിയിലെ ലളിതില് കനത്ത സുരക്ഷയുള്ള ഒരു മുറി, സ്നൈപ്പര് ബുള്ളറ്റുകളെ തടയാന് കഴിയുന്ന ബുള്ളറ്റ് പ്രൂഫ് ഗ്ലാസ് സഹിതം ഒരുക്കി. എന്നിരുന്നാലും, അദ്ദേഹത്തിന്റെ സുരക്ഷാ സംഘം സാധാരണ മുറി മതിയെന്ന നിര്ബന്ധം പിടിച്ചു. ഭാരതത്തിന്രെ സുരക്ഷാ ടീമുകള്ക്കുള്ളില് അവസാന നിമിഷം പിരിമുറുക്കത്തിന് കാരണമായി. ട്രൂഡോയുടെ ടീം വഴങ്ങാന് വിസമ്മതിച്ചതിനാല് സാധാരണ മുറിയില് താമസിക്കാന് അനുവദിച്ചു. ഭാരതത്തിന്റെ സുരക്ഷാ സംവിധാനം ഒഴിവാക്കാനായിരുന്നു ഇത് എന്ന സംശയമാണ് ബലപ്പെടുന്നത്. രണ്ടുദിവസം അദ്ദേഹത്തിന്റെ മുറിയില് കൊക്കെയന് ഒളിപ്പിച്ചു എന്ന വോറയുടെ ആരോപണം ശരിവെക്കുന്നതാണ് നടപടി.
നായ്ക്കളെ ഉപയോഗിച്ച് നടത്തിയ പരിശോധനയില് അദ്ദേഹത്തിന്റെ വിമാനത്തില് കൊക്കെയ്നുള്ളതായി കണ്ടെത്തിയതായി വിശ്വസനീയ വൃത്തങ്ങളില്നിന്നു വിവരം ലഭിച്ചതായിട്ടാണ് ദീപക് വോഹ്റ മാധ്യമങ്ങളോട് പറഞ്ഞത്.
ജി 20 ഉച്ചകോടിയുടെ അവസാനം ട്രൂഡോ സെപ്തംബര് 10 ന് ഡല്ഹിയില് നിന്ന് പുറപ്പെടേണ്ടതായിരുന്നുവെങ്കിലും, വിമാനത്തിന്റെ സാങ്കേതിക തകരാര് കാരണം ട്രൂഡോ രണ്ട് ദിവസത്തേക്ക് ഭാരതത്തില് കുടുങ്ങി . മടങ്ങിപോകാന് ഭാരതം എയര് ഇന്ത്യ വണ്ണിന്റെ സേവനങ്ങള് വാഗ്ദാനം ചെയ്തങ്കിലും ഓഫര് നിരസിച്ചു. തങ്ങളുടെ സ്വന്തം വിമാനത്തിനായി കാത്തിരിക്കാനുള്ള ആഗ്രഹം പ്രകടിപ്പിക്കുകയും ചെയ്തു.
ആരോപണം തള്ളി ട്രൂഡോയുടെ ഓഫിസ് തള്ളി്. ”ഇത് തീര്ത്തും അടിസ്ഥാനരഹിതമാണ്. എങ്ങനെ അവാസ്തവമായ ഒരു വാര്ത്ത പ്രചരിപ്പിക്കാമെന്നതിന് ഉത്തമ ഉദാഹരണമാണിത്.”– ട്രൂഡോയുടെ ഓഫിസ് പുറത്തുവിട്ട പ്രസ്താവനയില് പറയുന്നു.
