ന്യൂദല്ഹി: ഓള് ഇന്ത്യ മാനേജ്മെന്റ് അസോസിയേഷന് മികച്ച പ്രവര്ത്തനം കാഴ്ചവയ്ക്കുന്ന മാനേജ്മെന്റ് അസോസിയേഷനുകള്ക്ക് നല്കുന്ന ലോക്കല് മാനേജ്മെന്റ് അസോസിയേഷന് പുരസ്കാരം കേരള മാനേജ്മെന്റ് അസോസിയേഷന് ലഭിച്ചു. 2022-2023 ലേക്കുള്ള മികച്ച പ്രകടനത്തിനാണ് കാറ്റഗറി 2 ല് കെഎംഎക്ക് അവാര്ഡ് ലഭിച്ചത്. പ്രൊഫഷനല് മികവ്, പദ്ധതി നടത്തിപ്പിലെ വൈദഗ്ധ്യം തുടങ്ങി വിവിധ മാനദണ്ഡങ്ങളെ അടിസ്ഥാനമാക്കി എഐഎംഎ രാജ്യത്തെ എല്ലാ മാനേജ്മെന്റ് അസോസിയേഷനുകളേയും വിലയിരുത്തിയാണ് വര്ഷംതോറും ഈ പുരസ്കാരം വിവിധ വിഭാഗങ്ങളിലായി നല്കിവരുന്നത്.
കെഎംഎ പ്രസിഡന്റ് എ. ബാലകൃഷ്ണന്, മുന് പ്രസിഡന്റ് ഡോ. നിര്മല ലില്ലി, ഓണററി സെക്രട്ടറി ദിലീപ് നാരായണന്, ഓണററി ട്രഷറര് അള്ജിയേഴ്സ് ഖാലിദ് എന്നിവര് പുരസ്കാരം ഏറ്റുവാങ്ങി. ന്യൂദല്ഹിയില് നടന്ന ചടങ്ങില് ഐഎസ്ആര്ഒ ചെയര്മാന് ഡോ. എസ്. സോമനാഥ് പുരസ്കാരം സമ്മാനിച്ചു.
