ന്യൂദല്‍ഹി: മുല്ലപ്പെരിയാര്‍ അണക്കെട്ടില്‍ സുരക്ഷാപരിശോധന തേടി സുപ്രീംകോടതിയില്‍ ഹര്‍ജി. മുല്ലപ്പെരിയാര്‍ സംബന്ധിച്ച് ഹര്‍ജി നല്‍കിയ ഡോ. ജോ ജോസഫാണ് ഈ ഹര്‍ജിയും നല്‍കിയത്.
ഏതാനും ദിവസം മുന്‍പ് പ്രളയത്തില്‍ അണക്കെട്ട് തകര്‍ന്ന് ലിബിയയില്‍ അനവധി പേര്‍ മരണമടഞ്ഞിരുന്നു. ഇക്കാര്യം ചൂണ്ടിക്കാട്ടിയാണ്, ജോ സുരക്ഷാ പരിശോധന തേടുന്നത്. ഉന്നതാധികാര സമതിക്ക് ഇതിന് നിര്‍ദേശം നല്‍കണമെന്നാണ് ഹര്‍ജിയിലെ ആവശ്യം. ഹര്‍ജിക്കൊപ്പം ന്യൂയോര്‍ക്ക് ടൈംസിന്റെ റിപ്പോര്‍ട്ടും ചേര്‍ത്തിട്ടുണ്ട്.
ലോകത്ത് നിരവധി അണക്കെട്ടുകള്‍ ഭീഷണി നേരിടുന്ന പശ്ചാത്തലത്തില്‍ മുല്ലപ്പെരിയാര്‍ ഡാമില്‍ സുരക്ഷാപരിശോധന നടത്തണം, ഉന്നതാധികാരസമിതി ചെയര്‍മാനോട് നിര്‍ദേശിക്കണം. ഇതുസംബന്ധിച്ച റിപ്പോര്‍ട്ട് കോടതി അടിയന്തരമായി പരിഗണിക്കണമെന്നും ഹര്‍ജിയില്‍ ആവശ്യപ്പെടുന്നു. 2012 ലാണ് മുമ്പ് സുരക്ഷാ പരിശോധന നടത്തിയത്. ബലക്കുറവ് കണ്ടെത്തിയതിനെത്തുടര്‍ന്ന് കോണ്‍ക്രീറ്റ് ചെയ്ത് ഡാം ബലപ്പെടുത്തിയിരുന്നു.
പ്രതികരിക്കാൻ ഇവിടെ എഴുതുക: