ആലപ്പുഴ: കടലിൽ മത്സ്യബന്ധനത്തിനിടെ കാണാതായ യുവാവിന്റെ മൃതദേഹം കണ്ടെത്തി. മാരാരിക്കുളംതെക്ക് പഞ്ചായത്ത് കാട്ടൂർ വാഴക്കൂട്ടത്തിൽ ജിബിൻ അലക്സാണ്ടറിന്റെ മൃതദേഹമാണ് കണ്ടെത്തിയത്. പള്ളിത്തോട് ഭാഗത്ത് നിന്നാണ് മൃതദേഹം കണ്ടെത്തിയത്.
കഴിഞ്ഞ തിങ്കളാഴ്ചയാണ് യുവാവിനെ കാണാതാകുന്നത്. കാട്ടൂർ പടിഞ്ഞാറ് കടലിൽ വല നീട്ടുന്നതിന് വള്ളത്തിൽ നിന്ന് കടലിലേക്ക് ഇറങ്ങിയപ്പോൾ ജിബിനെ കാണാതാകുകയായിരുന്നു. കാട്ടൂരിൽ നിന്ന് സുഹൃത്തുക്കൾ എത്തി മൃതദേഹം തിരിച്ചറിഞ്ഞു.
