തിരുവനന്തപുരം:സംസ്ഥാനത്ത് സര്വീസ് നടത്തുന്ന സ്വകാര്യ ഓര്ഡിനറി ബസുകളുടെ ഫിറ്റ്നസ് കാലാവധി ദീര്ഘിപ്പിക്കാന് തീരുമാനം. ഫിറ്റ്നസ് കാലാവധി രണ്ട് വര്ഷം ദീര്ഘിപ്പിച്ച് വിഞാപനമിറക്കാന് ഗതാഗത മന്ത്രി ആന്റണി രാജു നിര്ദേശിച്ചു.
കോവിഡ് കാലയളവില് പരിമിതമായി മാത്രം സര്വീസ് നടത്താനേ സ്വകാര്യ ബസുകള്ക്ക് കഴിഞ്ഞിരുന്നുളളൂ. ഇതും സ്വകാര്യ ബസുടമകള് നേരിടുന്ന സാമ്പത്തിക പ്രതിസന്ധിയും പരിഗണിച്ചാണ് ഇത്തരം വാഹനങ്ങളുടെ കാലാവധി 20 വര്ഷത്തില് നിന്നും 22 വര്ഷമായി നീട്ടുന്നത് .
കോവിഡ് കാലഘട്ടത്തില് സര്വീസ് നടത്താത്തതിനാല് വാഹനങ്ങളുടെ ഫിറ്റ്നസ് കാലാവധി രണ്ട് വര്ഷം വര്ധിപ്പിക്കണമെന്ന് സ്വകാര്യ ബസ് മേഖലയിലെ സംഘടനകള് ആവശ്യപ്പെട്ടിരുന്നു. ഇത് കണക്കിലെടുത്താണ് സര്ക്കാര് തീരുമാനം.
