തിരുവനന്തപുരം: കുടിവെള്ളത്തിനും വൈദ്യുതിക്കും അന്യായമായി നിരക്ക് കൂട്ടി സാമ്പത്തിക സമാഹരണം ആസൂത്രണം ചെയ്ത് ധനസമാഹരണം നടത്തുകയാണ് സംസ്ഥാന സര്‍ക്കാരെന്ന് ഭാരതീയ വിചാര കേന്ദ്രം ഡയറക്ടര്‍ ആര്‍. സഞ്ജയന്‍. നേരായ മാര്‍ഗത്തിലൂടെ വരുമാനം വര്‍ധിപ്പിക്കാനുള്ള ഒരു പദ്ധതിയും സര്‍ക്കാര്‍ മുന്നോട്ട് വയ്‌ക്കുന്നില്ല. അഴിമതിയും സ്വജനപക്ഷപാതവും ഒരു ഭാഗത്ത് അരങ്ങ് തകര്‍ക്കുമ്പോള്‍, ധനപരമായ ധൂര്‍ത്തിന് ഒരു നിയന്ത്രണവുമില്ല, ഭാരതീയ വിചാരേകന്ദ്രം സംസ്ഥാന സമിതിയോഗം ഉദ്ഘാടനം ചെയ്യുകയായിരുന്നു അദ്ദേഹം.
ഇതിെനല്ലാം ഇടയിലാണ് കോര്‍പ്പേററ്റ് ബാങ്കുകളിലെ അഴിമതി പുറത്തുവരുന്നത്. ഈ അഴിമതികള്‍ പുറത്തുകൊണ്ടുവന്നത് സര്‍ക്കാര്‍ സംവിധാനമല്ല, മറിച്ച് ഇരകളാക്കപ്പെട്ട് ചികിത്സയ്‌ക്ക് പോലും പണമില്ലാത്ത സാധാരണ നിക്ഷേപകരാണ്. ഏതെങ്കിലും വ്യക്തിയുടെ പോരായ്മയോ സ്വഭാവ വൈകൃതമോ അല്ല ഇത്തരം അഴിമതികള്‍ക്ക് കാരണം. ഭരണം നടത്തുന്ന പാര്‍ട്ടിയുടെ ഒത്താശയോടെ നടക്കുന്ന സംഘടിതമായ തട്ടിപ്പാണിത്. ഭാരതത്തില്‍ സമസ്തമേഖലയിലും പൊതുവില്‍ കാണുന്ന ഉണര്‍വിന് നേര്‍ വിപരീതമാണ് കേരളത്തില്‍ സംഭവിക്കുന്നത്. ഇതിന് മാറ്റം വന്നേ മതിയാവൂ, അദ്ദേഹം പറഞ്ഞു.
തിരുവനന്തപുരം സംസ്‌കൃതി ഭവനില്‍ ചേര്‍ന്ന യോഗത്തില്‍ സംസ്ഥാന അധ്യക്ഷന്‍ ഡോ. സി.വി . ജയമണി അധ്യക്ഷത വഹിച്ചു. പരിസ്ഥിതി ശാസ്ത്രജ്ഞന്‍ ഡോ.സി.എം. ജോയ്, ഡോ.ശിവകുമാര്‍, ഡോ. കെ.എന്‍. മധുസൂദനന്‍ പിള്ള സംഘടനാ സെക്രട്ടറി വി. മേഹഷ്, സെക്രട്ടറി ശ്രീധരന്‍ പുതുമന ഡോ. കെ. വിജയകുമാരന്‍ നായര്‍ എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: