കോഴിക്കോട് : പ്രശസ്ത മാപ്പിളപ്പാട്ട് ഗായിക റംലാ ബീഗം(83) അന്തരിച്ചു. പാറോപ്പടയിലെ വീട്ടിലായിരുന്നു അന്ത്യം.
ആലപ്പുഴ സക്കറിയ ബസാറില് ഹുസൈന് യൂസഫ് യമാന- മറിയം ബീവി ദമ്പതികളുടെ ഇളയമകളായി 1946 നവംബര് മൂന്നിനാണ് ജനിച്ചത്. കുട്ടിക്കാലത്ത് തന്നെ ആലപ്പുഴ ആസാദ് മ്യൂസിക് ട്രൂപ്പില് ഹിന്ദി ഗാനങ്ങള് ആലപിച്ചിരുന്നു.
മതവിലക്കുകളെ മറികടന്ന് പരിപാടി അവതരിപ്പിച്ച ആദ്യ മുസ്ലീം വനിതായിരുന്നു റംല. ഇസ്ലാമിക കഥകളും ശാകുന്തളം, നളിനി, ഓടയില് നിന്ന്, തുടങ്ങിയ കഥകളും കഥാപ്രസംഗരൂപത്തില് അവതരിപ്പിച്ചിട്ടുണ്ട്. മാപ്പിളകല സാഹിത്യരംഗത്തെ സമഗ്രസംഭാവനകള്ക്ക് മഹാകവി മോയിന്കുട്ടി വൈദ്യര് പുരസ്കാരവും ലഭിച്ചിട്ടുണ്ട്.
