കേരളം 2018ല് അനുഭവിച്ച പ്രളയത്തിന്റെ കഥയായിരുന്നു പ്രമേയം. സാങ്കേതികത്തികവോടെ കേരളത്തിന്റെ നേര് അനുഭവങ്ങള് സിനിമയിലേക്ക് പകര്ത്തിയപ്പോള് 2018 വൻ വിജയമായി മാറി. കലാപരമായും മികച്ചുനിന്നു 2018. ബോക്സ് ഓഫീസില് 2018 പല കളക്ഷൻ റെക്കോര്ഡുകളും ഭേദിച്ച് മലയാളത്തിന്റെ ഒന്നാം സ്ഥാനത്ത് എത്തുകയും ചെയ്തു.
ഓസ്കര് പുരസ്കാരത്തിനുള്ള ഇന്ത്യയുടെ ഒഫിഷ്യല് എൻട്രിയായി 2018 തെരഞ്ഞെടുക്കപ്പെട്ടു. ജൂഡ് ആന്റണി ജോസഫിന്റെ സംവിധാനത്തിലുള്ള ചിത്രാമാണ് 2018. ടൊവിനൊ തോമസ്, ആസിഫ് അലി കുഞ്ചാക്കോ ബോബൻ, തുടങ്ങിയര് പ്രധാന വേഷത്തിലെത്തിയ ചിത്രമാണ് 2018. ആദ്യമായി മലയാളത്തില് നിന്ന് 200 കോടി ക്ലബില് എത്തുന്നതും 2018 ആണ്.
മലയാളത്തില് മാത്രമല്ല അന്യ ഭാഷകളിലും ചിത്രത്തിന് വലിയ സ്വീകാര്യത ലഭിച്ചിരുന്നു. തെലുങ്കില് 2018 നേടിയത് 10 കോടിയില് അധികമാണ് എന്നാണ് റിപ്പോര്ട്ട്. തമിഴിലും കന്നഡയിലും ഹിന്ദിയിലും 2018 സിനിമ മൊഴിമാറ്റി പ്രദര്ശനത്തിന് എത്തിയിരുന്നു.ടൊവിനോ തോമസിനും ആസിഫ് അലിക്കും കുഞ്ചാക്കോ ബോബനും പുറമേ നരെയ്ന്, ലാല്, വിനീത് ശ്രീനിവാസന്, സുധീഷ്, അജു വര്ഗീസ്, അപര്ണ ബാലമുരളി, തന്വി റാം, ശിവദ, ഗൗതമി നായര്, സിദ്ദിഖ്, രണ്ജി പണിക്കര്, ജനാര്ദനൻ, രമേഷ് തിലക്, വിനിത ജോഷി, ജി സുരേഷ് കുമാര്, റോണി ഡേവിഡ്, കലാഭവൻ ഹനീഫ് തുടങ്ങി വന് താരനിരയാണ് ‘2018’ല് വേഷമിട്ടത്. തിരക്കഥയില് അഖില് ധര്മജനും പങ്കാളിയാണ്. ഛായാഗ്രാഹണം അഖില് ജോര്ജായിരുന്നു. കേരളം നേരിട്ട പ്രളയം പശ്ചാത്തലമായ ചിത്രമായിരുന്നു 2018.
