എറണാകുളം: കൂത്താട്ടുകുളത്ത് വാക്കുതർക്കത്തെ തുടർന്ന് അയൽവാസിയെ വീട്ടിൽക്കയറി വെട്ടിക്കൊലപ്പെടുത്തിയ പ്രതി അറസ്റ്റിൽ. തിരുമാറാടിയിൽ കാക്കൂർ കോളനിയിൽ സോണിയാണ് അയൽവാസിയുടെ ആക്രമണത്തിൽ കൊല്ലപ്പെട്ടത്. സംഭവത്തിൽ അയൽവാസി മഹേഷിനെ പോലീസ് അറസ്റ്റ് ചെയ്തു.
ഇന്നലെ വൈകിട്ട് ജോലി കഴിഞ്ഞെത്തിയ സോണിയെ വീട്ടിൽ നിന്നും വിളിച്ചിറക്കിയ ശേഷം പ്രതി ആക്രമണം നടത്തുകയായിരുന്നു. തലയ്ക്കും നെഞ്ചിനും കുത്തേറ്റ സോണിയെ പ്രദേശവാസികൾ ചേർന്നാണ് ആശുപത്രിയിൽ എത്തിച്ചത്. എന്നാൽ ജീവൻ രക്ഷിക്കാനായില്ല. രാവിലെ ഇരുവരും തമ്മിൽ തർക്കം നടന്നിരുന്നതായി നാട്ടുകാർ പറയുന്നു.
