ന്യൂദല്ഹി: പുതുതായി ജോലിയില് പ്രവേശിക്കുന്ന 51000 പേര്ക്കുളള നിയമന കത്തുകള് പ്രധാനമന്ത്രി നരേന്ദ്ര മോദി ചൊവ്വാഴ്ച വീഡിയോ കോണ്ഫറന്സിംഗിലൂടെ വിതരണം ചെയ്യും.നിയമനം നേടിയവരെ അദ്ദേഹം അഭിസംബോധന ചെയ്യും.
രാജ്യത്തുടനീളം 46 സ്ഥലങ്ങളില് റോസ്ഗര് മേള നടക്കും. തപാല് വകുപ്പ്, ആണവോര്ജം, റവന്യൂ, ഉന്നത വിദ്യാഭ്യാസം, പ്രതിരോധ മന്ത്രാലയം എന്നിവയുള്പ്പെടെ വിവിധ മന്ത്രാലയങ്ങളിലും വകുപ്പുകളിലുമാണ് പുതുതായി നിയമനങ്ങള് നടക്കുന്നത്.
തൊഴിലവസരങ്ങള് സൃഷ്ടിക്കുന്നതിന് ഏറ്റവും ഉയര്ന്ന മുന്ഗണന നല്കാനുള്ള പ്രധാനമന്ത്രിയുടെ പ്രതിജ്ഞാബദ്ധത നിറവേറ്റുന്നതിനാണ് റോസ്ഗര് മേള.റോസ്ഗര് മേള കൂടുതല് തൊഴിലവസരങ്ങള് സൃഷ്ടിക്കുന്നതിലും യുവജനങ്ങളുടെ ശാക്തീകരണത്തിനും ദേശീയ വികസനത്തില് പങ്കാളിത്തത്തിനുംഅവസരങ്ങള് പ്രദാനം ചെയ്യുന്നതിനും ഉത്തേജകമായി പ്രവര്ത്തിക്കുമെന്നാണ് കരുതുന്നത്.
