ഒഡീഷയുടെ രണ്ടാമത് വന്ദേഭാരത് എക്‌സ്പ്രസ്; നാളെ സർവീസ് ആരംഭിക്കും

ഭുവനേശ്വർ: ഒഡീഷയുടെ രണ്ടാമത് വന്ദേഭാരത് എക്‌സ്പ്രസ് സർവീസ് ആരംഭിക്കാൻ ഇനി മണിക്കൂറുകൾ മാത്രം. നാളെ മുതൽ പുതിയ ട്രെയിൻ സർവീസ് ആരംഭിക്കും. പുരി-റൂർക്കേല റൂട്ടിൽ ഭുവനേശ്വറിലൂടെയാകും സർവീസ് നടത്തുക. ഏഴ് സ്റ്റേഷനുകളിലൂടെയാകും ട്രെയിൻ കടന്നു പോകുക.

ഖുർദാ റോഡ്, ഭുവനേശ്വർ, കട്ടക്ക്, ധേൻകനൽ, അംഗുൽ, സംബൽപുർ സിറ്റി, ജാർസുഗുഡ എന്നീ സ്റ്റേഷനുകളിലൂടെയാകും ട്രെയിൻ കടന്നു പോകുക. പുലർച്ചെ അഞ്ച് മണിയ്‌ക്ക് പുരിയിൽ നിന്നും ആരംഭിക്കുന്ന ട്രെയിൻ 12.45-നാണ് റൂർക്കേലയിൽ എത്തുന്നത്. റൂർക്കേലയിൽ നിന്നുമുള്ള മടക്കയാത്ര ആരംഭിക്കുന്നത് ഉച്ച കഴിഞ്ഞ് 2.10-നാണ്. വൈകിട്ട് 9.40-ഓടെ ട്രെയിൻ പുരിയിൽ എത്തും. എട്ട് കോച്ചുകളാണ് പുരി-റൂർക്കേല വന്ദേഭാരത് എക്‌സ്പ്രസിലുള്ളത്.