കൊല്ലം: കോളേജ് ടൂർ ബസിൽ ഗോവയിൽ നിന്നും മദ്യം കടത്താൻ ശ്രമിച്ച സംഭവത്തിൽ പ്രിൻസിപ്പാൾ ഉൾപ്പെടെ നാല് പേർക്കെതിരെ കേസെടുത്ത് എക്സൈസ്. 50 കുപ്പി മദ്യമാണ് ബസിൽ നിന്നും ഉദ്യോഗസ്ഥർ കണ്ടെത്തിയത്. ഇതിന് പിന്നാലെയാണ് പ്രിൻസിപ്പാളിനും ബസ് ജീവനക്കാർക്കും എതിരെ കേസ് രജിസ്റ്റർ ചെയ്തത്.
മദ്യക്കുപ്പികൾ പ്രിൻസിപ്പാളിന്റെയും ബസ് ജീവനക്കാരുടെയും ബാഗിൽ സൂക്ഷിച്ച നിലയിലായിരുന്നു. കോളേജിൽ നിന്നും ഗോവയിലേക്ക് ടൂർ പോകുന്നതിനിടെയാണ് മദ്യം വാങ്ങിയത്. പ്രിൻസിപ്പാളിന്റെ നേതൃത്വത്തിലാണ് മദ്യം കടത്താൻ ശ്രമിച്ചത്. കൊല്ലം കൊട്ടിയത്തുള്ള സ്വകാര്യ സ്ഥാപനത്തിലെ വിദ്യാർത്ഥികളും അദ്ധ്യാപകരുമാണ് ടൂർ പോയത്.
