തൃശ്ശൂര്‍: കേരള സംസ്‌കൃത അക്കാദമി 2022-23 വര്‍ഷത്തിലെ വിവിധ ഇനങ്ങളിലായി അക്കാദമി അവാര്‍ഡുകള്‍ പ്രഖ്യാപിച്ചു. പി.ടി കുരിയാക്കു മാസ്റ്റര്‍ മെമ്മോറിയല്‍ അവാര്‍ഡിന് പ്രൊഫ.കെ.ജി. പൗലോസും സംസ്‌കൃതി അവാര്‍ഡിന് പ്രൊഫ. വി.വി. വിശ്വനാഥന്‍ നമ്പൂതിരിയും രാമപ്രഭാ പുരസ്‌കാരത്തിന് പ്രൊഫ. ലക്ഷ്മി ശങ്കറും, ശാസ്ത്ര പ്രതിഭ പുരസ്‌കാരത്തിന് പ്രൊഫ.കെ.പി. ബാബുദാസും അര്‍ഹരായി. ഒക്ടോബറില്‍ തൃശ്ശൂരില്‍ നടക്കുന്ന സമാദരണ സമ്മേളനത്തില്‍ പ്രശസ്തിപത്രവും ഫലകവും കാഷ് അവാര്‍ഡുകളും വിതരണം ചെയ്യുമെന്ന് അക്കാദമി ചെയര്‍മാന്‍ പ്രൊഫ.കെ.ടി. മാധവനും സെക്രട്ടറി ഡോ.വി.കെ. വിജയനും അറിയിച്ചു.
പ്രതികരിക്കാൻ ഇവിടെ എഴുതുക: