കണ്ടക ശനി കൊണ്ടേ പോകൂ: രസകരമായ ഡയലോഗുകളുമായി ജീത്തു-ബേസിൽ ചിത്രത്തിന്റെ ടൈറ്റിൽ.

ബേസിൽ ജോസഫ് നായകനായി എത്തുന്ന ജീത്തു ജോസഫ് ചിത്രത്തിന് പേരായി. ‘നുണക്കുഴി’ എന്നാണ് ചിത്രത്തിന്റെ പേര്. ‘ക്യാമറ ചതിച്ചാശാനേ, കണ്ടക ശനി കൊണ്ടേ പോകൂ, പൊലീസുകാർക്കെന്താ ഈ വീട്ടിൽ കാര്യം’, തുടങ്ങിയ രസകരമായ ഡയലോ​ഗുകൾക്ക് ഒപ്പമാണ് ടൈറ്റിൽ പോസ്റ്റർ പങ്കുവച്ചിരിക്കുന്നത്. കോമഡിക്ക് പ്രാധാന്യം ഉള്ളതാകും ചിത്രമെന്ന് ഏകദേശം ഉറപ്പായി കഴിഞ്ഞു.

ബേസിലിനൊപ്പം ​ഗ്രേസ് ആന്റണി, സിദ്ദിഖ്, മനോജ് കെ ജയൻ, ബൈജു സന്തോഷ്, സൈജു കുറുപ്പ്, അജു വർ​ഗീസ് എന്നിവരും ചിത്രത്തിൽ കേന്ദ്ര കഥാപാത്രങ്ങളെ അവതരിപ്പിക്കുന്നു. കെ ആർ കൃഷ്ണ കുമാർ ആണ് ചിത്രത്തിന്റെ രചന നിർവഹിക്കുന്നത്. സതീഷ് കുറുപ്പ് ആണ് ഡിഒപി. വിക്ര മെഹ്റ, സിദ്ധാർത്ഥ് ആനന്ദ് കുമാർ എന്നിവർ ചേർന്നാണ് നിർമ്മാണം.