പാരിസ്: ഫ്രഞ്ച് ലിഗ് വണിലെ വമ്പന്‍മാരായ പാരിസ് സെന്റ് ജെര്‍മെയിന്(പിഎസ്ജി) ഞെട്ടിക്കുന്ന തോല്‍വി. സീസണില്‍ ടീമിന്റെ ആദ്യത്തെയും പുതിയ പരിശീലകന്‍ ലൂയിസ് എണ്‍റിക്വെയ്‌ക്ക് കീഴിലെ ആദ്യ തോല്‍വിയുമാണ്. സൂപ്പര്‍ താരം കിലിയന്‍ എംബപ്പെ നേടിയ ഇരട്ടഗോളിനെതിരെ മൂന്ന് ഗോള്‍ നേടിക്കൊണ്ടാണ് പിഎസ്ജിയുടെ വിജയം.
നൈജീരിയന്‍ സ്‌ട്രൈക്കര്‍ ടെറെം മോഫിയുടെ ഇരട്ട ഗോളും ജീറ്റന്‍ ലബോര്‍ദെയുടെ ഗോളും നൈസിന് വിജയം സമ്മാനിച്ചു. കളിയുടെ 21-ാം മിനിറ്റിലാണ് മോഫി ആദ്യ ഗോളടിച്ചത്. അധികം വൈകാതെ എംബപ്പെ 29-ാം മിനിറ്റില്‍ ഗോള്‍ മടക്കി. ആദ്യ പകുതി സമനിലയില്‍ തീര്‍ന്നു. രണ്ടാം പകുതിയില്‍ ലബോര്‍ദെയിലൂടെ നൈസ് വീണ്ടും മുന്നിലെത്തി. പിന്നീടാണ് പിഎസ്ജി ശരിക്കും ഞെട്ടിയത്. പാരിസ് പടയെ കാഴ്ചക്കാരാക്കി നൈസ് വീണ്ടും ഗോളടിച്ചു. 18 വാര അകലെ നിന്ന് തോടുത്ത ഷോട്ട് വലയിലെത്തിച്ച് മോഫി നൈസ് വിജയം ഉറപ്പാക്കി.
കളിയുടെ അവസാന നമിഷത്തോടടുക്കുമ്പോള്‍ സൂപ്പര്‍ താരം കിലിയന്‍ എംബപ്പെയുടെ ഉശിരന്‍ വോളിയിലൂടെ തിരിച്ചടിക്കാനുള്ള കരുത്തുകാട്ടിയെങ്കിലും നൈസിനെ മറികടക്കാനായില്ല.
പ്രതികരിക്കാൻ ഇവിടെ എഴുതുക