ധ്യാൻ ശ്രീനിവാസൻ നായകനായി എത്തുന്ന നദികളിൽ സുന്ദരി യമുന എന്ന സിനിമയുടെ പ്രീമിയർ ഷോ കാണാൻ എത്തിയതായിരുന്നു ശ്രീനിവാസൻ. ഒപ്പം ഭാര്യയും സുഹൃത്തുക്കളും ഉണ്ട്. തിയറ്റററിനുള്ളിൽ പകുതി വരെ വീൽചെയറിൽ വന്ന അദ്ദേഹം പിന്നീട് ഭാര്യയുടെ കയ്യും പിടിച്ച് തിയറ്ററിനുള്ളിൽ പോകുന്നത് വീഡിയോയിൽ കാണാം.
മലയാളത്തിന്റെ പ്രിയ നടനാണ് ശ്രീനിവാസൻ.തിറ്റാണ്ടുകൾ നീണ്ട തന്റെ അഭിനയസപര്യയിൽ അദ്ദേഹം അഭിനയിച്ച് തീർത്തത് ഒട്ടനവധി കഥാപാത്രങ്ങൾ. അടുത്തിടെ വന്നുചേർന്ന അനാരോഗ്യത്തിൽ നിന്നും തിരിച്ചുവന്നു കൊണ്ടിരിക്കയാണ് ശ്രീനിവാസൻ. കുറക്കൻ എന്ന സിനിമയിലും ഏതാനും നാളുകൾക്ക് മുൻപ് അദ്ദേഹം അഭിനയിച്ചിരുന്നു. ഇപ്പോഴിതാ ശ്രീനിവാസന്റേതായി പുറത്തുവന്നൊരു വീഡിയോയാണ് ശ്രദ്ധനേടുന്നത്.
ധ്യാനിനൊപ്പം അജു വര്ഗീസും കേന്ദ്രകഥാപാത്രങ്ങളെ അവതരിപ്പിക്കുന്ന ചിത്രമാണ് നദികളില് സുന്ദരി യമുന. . ചിത്രം തിരക്കഥയെഴുതി സംവിധാനം ചെയ്യുന്നത് നവാഗതരായ വിജേഷ് പാണത്തൂര്, ഉണ്ണി വെള്ളോറ എന്നിവര് ചേര്ന്നാണ്. സുധീഷ്, നിര്മ്മല് പാലാഴി, കലാഭവന് ഷാജോണ്, നവാസ് വള്ളിക്കുന്ന്, അനീഷ്, പാര്വ്വണ, ആമി, ഉണ്ണിരാജ, ഭാനുപയ്യന്നൂര്, ദേവരാജ് കോഴിക്കോട്, രാജേഷ് അഴിക്കോടന്, സോഹന് സിനുലാല്, ശരത് ലാല്, കിരണ് രമേശ്, വിസ്മയ ശശികുമാർ എന്നിവര് പ്രധാനവേഷത്തില് എത്തുന്നു.
