ഇടുക്കി: ഉദ്യോഗസ്ഥരുടെ പരിശോധനയ്ക്കിടെ നിർത്താതെ പോയ വാഹനത്തെ പിന്തുടർന്ന് പിടികൂടി എക്സൈസ്. വാഹനത്തിൽ നിന്നും വൻ പുകയില ശേഖരമാണ് എക്സൈസ് സംഘം പിടികൂടിയത്. അടിമാലി ചാറ്റുപാറയിലാണ് സംഭവം. ഈരാറ്റുപേട്ട സ്വദേശി പണ്ടാരപ്പറമ്പിൽ ഇസ്സ ആണ് പിടിയിലായത്.
അടിമാലി നാർക്കോട്ടിക് എൻഫോഴ്സ്മെന്റ് സ്ക്വാഡിലെ സർക്കിൾ ഇൻസ്പെക്ടർ രാജേന്ദ്രൻ കെയുടെ നേതൃത്വത്തിൽ ഉദ്യോഗസ്ഥർ പരിശോധനക്കായി കൈ കാണിച്ചപ്പോൾ വാഹനം നിർത്താതെ പോകുകയായിരുന്നു. പിന്തുടർന്നെത്തി നടത്തിയ പരിശോധനയിലാണ് മൂന്ന് ചാക്കുകൾ നിറയെ പുകയില ഉത്പന്നങ്ങൾ കണ്ടെത്തിയത്. 45 കിലോഗ്രാം തൂക്കം വരുന്ന പുകയിലയാണ് പിടിച്ചെടുത്തത്.
