പത്തനംതിട്ട: ശബരിമലയിൽ പുതിയ മേൽശാന്തിമാരെ കണ്ടെത്തുന്നതിനുള്ള അഭിമുഖം നടക്കുക സെപ്റ്റംബർ 14-15 തീയതികളിൽ. തിരുവനന്തപുരം നന്തൻകോട് ദേവസ്വം ബോർഡ് ആസ്ഥാനത്ത് വെച്ച് അഭിമുഖം നടക്കും. ശബരിമലയിലേക്ക് 83, മാളികപ്പുറത്തേക്ക് 54 എന്നിങ്ങനെ അപേക്ഷകളാണ് ലഭിച്ചത്.
സൂക്ഷ്മ പരിശോധനയ്ക്കും വിജിലൻസ് പരിശോധനയ്ക്കും ശേഷം ശബരിമലയിലേക്ക് 51, മാളികപ്പുറത്തേക്ക് 36 എന്നിങ്ങനെയാണ് അഭിമുഖത്തിനായി അർഹത നേടിയ അപേക്ഷകൾ. സെപ്റ്റംബർ 14-ന് ശബരിമലയിലേക്കുള്ള അഭിമുഖവും 15-ന് മാളികപ്പുറത്തേക്കുള്ള അഭിമുഖവും നടക്കും. അഭിമുഖത്തിൽ നിന്നും പ്രാഥമിക പട്ടികയിലേക്ക് തിരഞ്ഞൈടുക്കുന്നവരുടെ പേരുകൾ ഒക്ടോബർ 18-ന് നറുക്കിട്ടാകും കണ്ടെത്തുക.
