തിരുവനന്തപുരം: സംസ്ഥാനത്ത് മഴ മുന്നറിയിപ്പില് മാറ്റം. എറണാകുളം, ഇടുക്കി, പാലക്കാട്, മലപ്പുറം ജില്ലകളില് യെല്ലോ അലര്ട്ട് പ്രഖ്യാപിച്ചു. ഇരട്ട ചക്രവാതച്ചുഴിയുടെ ഫലമായാണ് കേരളത്തില് മഴ കനക്കുന്നത്. അടുത്ത അഞ്ച് ദിവസം ശക്തമായ മഴയ്ക്ക് സാദ്ധ്യതയുള്ളതായി കേന്ദ്ര കാലാവസ്ഥ കേന്ദ്രം അറിയിച്ചു.
തെക്ക് പടിഞ്ഞാറന് ഉത്തര്പ്രദേശിന് മുകളിലും ബംഗാള് ഉള്ക്കടലിലുമാണ് ചക്രവാതച്ചുഴി രൂപപ്പെട്ടത്. വരുന്ന 24 മണിക്കൂറിനുള്ളില് ചക്രവാതച്ചുഴി വടക്ക്പടിഞ്ഞാറന് ബംഗാള് ഉള്ക്കടലില് ന്യൂനമര്ദ്ദമായി ശക്തിപ്രാപിക്കാന് സാദ്ധ്യതയുണ്ടെന്നാണ് മുന്നറിയിപ്പ്. ഇത് വീണ്ടും ശക്തി പ്രാപിച്ച് പടിഞ്ഞാറ്, വടക്ക് പടിഞ്ഞാറ് ദിശയില് തെക്കന് ഒഡീഷ വടക്കന് ആന്ധ്രാ തീരത്തേക്ക് നീങ്ങാനാണ് സാദ്ധ്യത.
