ന്യൂദല്ഹി: പ്രധാനമന്ത്രിയുടെ നേതൃത്വത്തില് നടത്തിയ ജി20 ഉച്ചകോടിയുടെ കുറ്റമറ്റ നടത്തിപ്പിനെ ശ്ലാഘിച്ച് ബോളിവുഡ് താരം ഷാരൂഖ് ഖാന്. “ഇന്ത്യയുടെ ജി20 അധ്യക്ഷപദവി വന്വിജയമാക്കിയതിന് പ്രധാനമന്ത്രി മോദിയ്ക്ക് അഭിനന്ദനങ്ങള്”- ഷാരൂഖ് ഖാന് സമൂഹമാധ്യമമായ എക്സില് കുറിച്ചു.
Congratulations to Hon. PM @narendramodi ji for the success of India’s G20 Presidency and for fostering unity between nations for a better future for the people of the world.
It has brought in a sense of honour and pride into the hearts of every Indian. Sir, under your… https://t.co/x6q4IkNHBN— Shah Rukh Khan (@iamsrk) September 10, 2023
മോദി ജി20 ഉച്ചകോടിയില് ഉല്പാദനപരമായ ചര്ച്ചകള്ക്ക് നേതൃത്വം നല്കുന്നതിന്റെ വീഡിയോയും ഷാരൂഖ് പങ്കുവെച്ചിരുന്നു. ലോകജനതയുടെ മെച്ചപ്പെട്ട ഭാവിയ്ക്ക് രാഷ്ട്രങ്ങള് തമ്മിലുള്ള ഐക്യം വളര്ത്തുന്നതിനും നരേന്ദ്രമോദിജിയെ അഭിനന്ദിക്കുന്നുവെന്ന് ഷാരൂഖ് ഖാന് കുറിച്ചു.
ഇത് ഓരോ ഇന്ത്യക്കാരന്റേയും ഹൃദയത്തില് അഭിമാനത്തിന്റെയും അന്തസ്സിന്റെയും വികാരം നിറച്ചു. – വൈകാരികമായ കുറിപ്പില് ഷാരൂഖ് എഴുതുന്നു.
താങ്കളുടെ നേതൃത്വത്തില് ഒറ്റപ്പെട്ടല്ല നമ്മള് അഭിവൃദ്ധിപ്പെടുന്നത്. എല്ലാവരും ഒന്നിച്ചാണ് വളരുന്നത്. – ഷാരൂഖ് കുറിച്ചു. ന്യൂനപക്ഷങ്ങള് പീഡിപ്പിക്കപ്പെടുന്നു എന്നും മോദി മുസ്ലിങ്ങളെ തഴയുന്നു എന്നുമുള്ള കോണ്ഗ്രസ് നേതാവ് രാഹുല് ഗാന്ധിയുടെ പ്രസ്താവനകള്ക്ക് ഇതിനേക്കാള് നല്ല മറുപടിയുണ്ടാവില്ല. ജി20 ഗ്രൂപ്പില് അംഗങ്ങളല്ലെങ്കിലും നിരവധി ഇസ്ലാം രാഷ്ട്രങ്ങള്ക്കും മോദി ഉച്ചകോടിയില് പ്രാധാന്യം നല്കിയിരുന്നു. ബംഗ്ലദേശ് പ്രധാനമന്ത്രി ഷേഖ് ഹസീന, യുഎഇ പ്രസിഡന്റ് ഷേഖ് മുഹമ്മദ് ബിന് അല് സയിദ് അല് നഹ്യാന്, ഒമാന് പ്രധാനമന്ത്രി ഹൈതം ബിന് താരിഖ് അല് സെയ്ദ് തുടങ്ങിയവര്ക്ക് മോദി മികച്ച അവസരമാണ് പ്രത്യേക പ്രതിനിധികളായി ക്ഷണിച്ചത് വഴി നല്കിയത്. ഇത് ന്യൂനപക്ഷങ്ങള്ക്കിടയിലും മോദിയോട് മതിപ്പ് വര്ധിപ്പിച്ചിരുന്നു.
ഒരു ഭൂമി, ഒരു കുടുംബം, ഒരു ഭാവി എന്ന ജി20 ഉച്ചകോടിയുടെ മുദ്രാവാക്യത്തോടെയാണ് ഷാരൂഖ് കുറിപ്പ് അവസാനിപ്പിക്കുന്നത്.
