നെടുമങ്ങാട്: അന്ധനായ കടയുടമയെ ആക്രമിച്ച പ്രതി അറസ്റ്റിൽ. പനവൂർ പാണയം പൂവക്കാട് സ്വദേശി എം ഷിജുവാണ് അറസ്റ്റിലായത്. ആനാട് വട്ടറത്തല ജംഗ്ഷനിൽ മുറുക്കാൻ കട നടത്തുന്ന അന്ധനായ ആനാട് വട്ടറത്താല ബിനുകുമാറിനെയാണ് ആക്രമിച്ചത്.
കടയിലെത്തിയ പ്രതി തീപ്പെട്ടി ചോദിച്ചു. എന്നാൽ തീപ്പെട്ടി ഇല്ലെന്ന് പറഞ്ഞതിലുള്ള വിരോധമാണ് ആക്രമണത്തിന് കാരണം. കടയിൽ സൂക്ഷിച്ചിരുന്ന സോഡാക്കുപ്പി എടുത്ത് നെഞ്ചിലും തലയിലും ഇടിച്ചും അടിച്ചും പരിക്കേൽപ്പിക്കുകയായിരുന്നു. സംഭവത്തിന് പിന്നാലെ ഇവിടെ നിന്നും രക്ഷപ്പെട്ട പ്രതിയെ നെടുമങ്ങാട് എസ്എച്ച് ഒ ശ്രീകുമാർ നായരുടെ നേതൃത്വത്തിലുള്ള സംഘമാണ് പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
