ആലപ്പുഴ: ചേർത്തല കണിച്ചുകുളങ്ങരയിൽ പന്തൽ പൊളിക്കുന്നതിനിടെ ഷോക്കേറ്റ് മൂന്ന് പേർക്ക് ദാരുണാന്ത്യം. ബിഹാർ സ്വദേശികളായ മൂന്ന് പേരാണ് മരിച്ചത്. ആദിത്യ കുമാർ, കാശിറാം, ബംഗാൾ സ്വദേശി ധനഞ്ജയ് ശുഭ എന്നിവരാണ് മരിച്ചത്. തുഷാർ വെള്ളാപ്പള്ളിയുടെ മകളുടെ വിവാഹ ചടങ്ങിന് ഇട്ട പന്തൽ പൊളിക്കുന്നതിനിടെയാണ് അപകടം.
കഴിഞ്ഞ ഞായറാഴ്ച നടന്ന ചടങ്ങിന് ശേഷം ഇന്നലെ പന്തൽ അഴിക്കുന്നതിനിടെയാണ് ഷോക്കേറ്റത്. സമീപത്തായി ഉണ്ടായിരുന്ന ഹൈ ടെൻഷൻ ലൈനിൽ തട്ടിയാണ് അപകടം സംഭവിച്ചത്. ഇതിന് പുറമേ അപകടത്തിൽ മൂന്ന് പേർക്ക് കൂടി പരിക്കേറ്റിട്ടുണ്ട്. ബിഹാർ സ്വദേശികളായ ജതുലാൽ, അനൂപ് കുമാർ, അജയ് എന്നിവർക്കാണ് പരിക്കേറ്റത്. ഇവരെ ആശുപത്രിയിൽ പ്രവേശിപ്പിച്ചിരിക്കുകയാണ്.
