ആലുവ: എട്ടു വയസുകാരിയെ തട്ടിക്കൊണ്ടുപോയി പീഡിപ്പിച്ച പ്രതി ക്രിസ്റ്റില്‍ ലൈംഗിക വൈകൃതങ്ങള്‍ക്കടിമയെന്നു പോലീസ്. ലഹരിവസ്തുക്കളുടെ സ്വാധീനത്തില്‍ പ്രതി മൃഗങ്ങളെ വരെ ലൈംഗിക വൈകൃതങ്ങള്‍ക്ക് വിധേയമാക്കാറുണ്ട്. ആലുവയില്‍ ഒരു വീട്ടിലെ തൊഴുത്തില്‍നിന്ന പശുവിനെ ഉപദ്രവിക്കാന്‍ ശ്രമിക്കുന്നതിനിടയില്‍ ഇയാള്‍ നാട്ടുകാരുടെ പിടിയിലായിട്ടുണ്ട്. മുന്‍പ് മേസ്തിരിപ്പണിക്കായി ആലുവയില്‍ എത്തിയിരുന്ന കാലത്താണ് ഈ സംഭവം.
മൊബൈല്‍ മോഷണത്തിനായി കയറിയ വീട്ടില്‍ കുട്ടി ഉറങ്ങുന്നത് കണ്ട് എടുത്തുകൊണ്ട് പോയി പീഡിപ്പിക്കുകയായിരുന്നുവെന്നു പ്രതി പോലീസിനു മൊഴി നല്‍കി. വീട്ടില്‍ത്തന്നെവച്ച് പീഡിപ്പിക്കാനാണ് ശ്രമിച്ചത്. എന്നാല്‍ കുട്ടി വേദന സഹിക്കാന്‍ വയ്യാതെ കരഞ്ഞപ്പോള്‍ എടുത്തുകൊണ്ടോടുകയായിരുന്നു. ഓട്ടത്തിനിടയില്‍ കുട്ടിയെ മര്‍ദിക്കുകയും വാ പൊത്തിപിടിക്കുകയുമുണ്ടായി. തുടര്‍ന്നു പാടത്തുകൊണ്ടുപോയി പീഡിപ്പിച്ചശേഷം അവിടെ ഉപേക്ഷിച്ചു.
എന്നാല്‍ പോലീസ് ഈ മൊഴി പൂര്‍ണമായി വിശ്വസിച്ചിട്ടില്ല. മുമ്പ് കുട്ടിയെ പ്രതി കണ്ടിട്ടുണ്ടെന്നും കുട്ടിയെ വീണ്ടും കാണാനായി ഈ വീട്ടില്‍ പ്രതി നേരത്തെ പോയിട്ടുണ്ടെന്നുമാണ് പോലീസിനു ലഭിച്ചിരിക്കുന്ന സൂചന. എന്നാല്‍ അന്നു വീട്ടില്‍ കുട്ടിയുടെ പിതാവ് ഉണ്ടായിരുന്നതിനാല്‍ പീഡനോദ്ദേശ്യം നടന്നില്ല. പ്രതി ക്രിസ്റ്റിലിനെ ചോദ്യം ചെയ്യലിന് ശേഷം ഇന്നലെ ഉച്ചയോടെ കോടതിയില്‍ ഹാജരാക്കി. 14 ദിവസത്തേക്ക് റിമാന്‍ഡ് ചെയ്തു. പ്രതിയെ കസ്റ്റഡിയില്‍ വേണമെന്ന പോലീസ് അപേക്ഷ തിങ്കളാഴ്ച പരിഗണിക്കും.
ക്രിസ്റ്റില്‍ രാജിനെതിരെ മറ്റൊരു പോക്‌സോ കേസ് കൂടി ഇന്നലെ പോലീസ് രജിസ്റ്റര്‍ ചെയ്തു. കഴിഞ്ഞ 3ന് പെരുമ്പാവൂരില്‍ മൊബൈല്‍ മോഷണത്തിനിടെ മറ്റൊരു ബാലികയെ പീഡിപ്പിച്ചതായാണ് കേസ്. കുട്ടി അപകട നില തരണം ചെയ്‌തെന്ന് ആശുപത്രി വൃത്തങ്ങള്‍ അറിയിച്ചു.
Friday, November 22, 2024
ആലുവ പീഡനം: പ്രതി ലൈംഗിക വൈകൃതങ്ങള്‍ക്കടിമ
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: