കമല്‍ ഹാസന്‍ എന്ന താരത്തെ പുതുകാലത്തിന് അനുസൃതമായി അവതരിപ്പിച്ച ആക്ഷന് ത്രില്ലര്‍ ചിത്രം സംവിധാനം ചെയ്തത് ലോകേഷ് കനകരാജ് ആയിരുന്നു. പല ശ്രദ്ധേയ പ്രോജക്റ്റുകളും അദ്ദേഹത്തിന്‍റേതായി പുറത്തെത്താനുണ്ട്. അതിലൊന്നാണ് എച്ച് വിനോദ് സംവിധാനം ചെയ്യുന്ന ഇനിയും പേരിട്ടിട്ടില്ലാത്ത ചിത്രം. വിക്രം പോലെ ആക്ഷന് പ്രാധാന്യമുള്ള ചിത്രമാണ് ഇതും. ഇപ്പോഴിതാ ചിത്രത്തിലെ ആക്ഷന് രംഗങ്ങള്‍ക്കായുള്ള പരിശീലനം ആരംഭിച്ചിരിക്കുകയാണ് കമല്‍ ഹാസന്‍. ഗണ്‍ ഫൈറ്റില്‍ പരിശീലനം നേടുന്ന കമല്‍ ഹാസന്റെ വീഡിയോ രാജ് കമല്‍ ഫിലിംസ് പുറത്തുവിട്ടിട്ടുണ്ട്.കമല്‍ ഹാസന്റെ കരിയറിലെ ഏറ്റവും വലിയ വിജയമായിരുന്നു കഴിഞ്ഞ വര്‍ഷം പുറത്തിറങ്ങിയ വിക്രം.
Guts & Guns 🔥
Training Begins #FuriousAction in #KH233#Ulaganayagan #KamalHaasan #RKFI52 #RISEtoRULE@ikamalhaasan #Mahendran #HVinoth@RKFI @turmericmediaTM @magizhmandram pic.twitter.com/Mec86yIhlh
— Raaj Kamal Films International (@RKFI) September 7, 2023
പരിശീലകരുടെ സാന്നിധ്യത്തില്‍ ഉന്നം പിഴയ്‌ക്കാതെ വെടി വെക്കാന്‍ പരിശീലിക്കുന്ന കമല്‍ ഹാസനെ വീഡിയോയില്‍ കാണാം. അതേസമയം അജിത്ത് കുമാറിനെ നായകനാക്കി ഉള്ളതായിരുന്നു എച്ച് വിനോദിന്റെ അവസാന മൂന്ന് ചിത്രങ്ങള്‍. നേര്‍കൊണ്ട പാര്‍വൈ, വലിമൈ, തുനിവ് എന്നിവയായിരുന്നു അവ.
പ്രതികരിക്കാൻ ഇവിടെ എഴുതുക: