തിരുവനന്തപുരം: ഒന്‍പതാം ക്ലാസുകാരിയോട് ക്രൂരത കാട്ടി കെഎസ്ആര്‍ടിസി. ടിക്കറ്റ് എടുത്തതിന് ശേഷം ബാക്കി നല്‍കാത്തതിനെ തുടര്‍ന്ന് വിദ്യാര്‍ത്ഥി നടന്നത് 12 കിലോമീറ്റര്‍. തിരുവനന്തപുരത്താണ് സംഭവം. ആറ്റുകാല്‍ സ്വദേശിയായ അഖിലേഷിന്റെ മകള്‍ അനശ്വരയോടാണ് കെഎസ്ആര്‍ടിസി ഈ ക്രൂരത കാണിച്ചത്.
രാവിലെ ട്യൂഷന് പോകാനായി കെഎസ്ആര്‍ടിസി ബസില്‍ കയറിയതാണ് അനശ്വര. രാവിലെ 6.40ന് ആറ്റുകാലില്‍ നിന്ന് നെടുമങ്ങാടിനുള്ള ബസില്‍ കയറി. 18 രൂപ ടിക്കറ്റിന് 100 രൂപ നല്‍കിയെങ്കിലും ബാക്കി തുക ലഭിച്ചില്ല. ബാക്കി നല്‍കാന്‍ ചില്ലറയില്ലെന്നും എവിടെയെങ്കിലും ഇറങ്ങി ചില്ലറ വാങ്ങി വരാനുമായിരുന്നു കണ്ടക്ടറുടെ വിശദീകരണം. ഇറങ്ങുന്ന സമയത്ത് ചോദിച്ചെങ്കിലും ബാക്കി നല്‍കാന്‍ കണ്ടക്ടര്‍ തയ്യാറായില്ല. ഇതിന് പിന്നാലെ കുട്ടിയുടെ പിതാവ് നെടുമങ്ങാട് പോലീസിന് പരാതി നല്‍കുകയായിരുന്നു.
കണ്ടക്ടറുടെ ക്രൂരതയില്‍ പെണ്‍കുട്ടി ഒറ്റയക്ക് നടന്നത് 12 കിലോമീറ്ററാണെന്ന് പരാതിയില്‍ പറയുന്നു. സംഭവം വിവാദമായതോടെ കണ്ടക്ടര്‍ ബാക്കി തുക ഡിപ്പോയില്‍ അടച്ച് തടിതപ്പി.
പ്രതികരിക്കാൻ ഇവിടെ എഴുതുക: