നദികളിൽ സുന്ദരി യമുന സെപ്റ്റംബർ പതിനഞ്ചിന് പ്രദർശനത്തിനെത്തുന്നു

വളരെ മനോഹരവും, രസകരവുമായ ഒരു പ്രണയകഥയുടെ ചലച്ചിത്രാവിഷ്ക്കാരണമാണ്  നദികളിൽ സുന്ദരി യമുന .
നവാഗതരായ വിജേഷ് പാണത്തൂർ, ഉണ്ണി വെള്ളാറ എന്നിവരാണ് ഈ ചിത്രം തിരക്കഥ രചിച്ച് സംവിധാനം ചെയ്യുന്നത്.
സിനിമാറ്റിക് ഫിലിംസ് എൽ.എൽ.പി.യുടെ ബാനറിൽ വാട്ടർമാൻ മുരളി ,വിലാസ് കുമാർ, സിമി മുരളി എന്നിവരാണ് ഈ ചിത്രം നിർമ്മിക്കുന്നത്.നിർമ്മാണ പ്രവർത്തനങ്ങൾ പൂർത്തിയായ ഈ ചിത്രം സെപ്റ്റംബർ പതിനഞ്ചിന് പ്രദർശനത്തിനെത്തുന്നു

വടക്കേ മലബാറിന്റെ പശ്ചാത്തലത്തിലൂടെയാണ് ഈ ചിത്രത്തിന്റെ അവതരണം. എന്നും രാഷ്‌ട്രീയ സംഘർഷങ്ങൾ മുറ്റി നിൽക്കുന്ന ഈ മണ്ണിലെ വ്യത്യസ്ഥ രാഷ്‌ട്രീയ പാർട്ടികളിൽ വിശ്വസിക്കുന്ന ഏതാനും ചെറുപ്പക്കാരെ കേന്ദ്രീകരിച്ചാണ് കഥാപുരോഗതി.
തീവ്രമായ ഇടതുപക്ഷ പ്രസ്ഥാനക്കാരും ആ പ്രസ്ഥാനത്തെ ശക്തമായി എതിർക്കുന്ന മറ്റൊരു പ്രസ്ഥാനത്തിലെ അംഗ ങ്ങളുമാണ് ഈ ചിത്രത്തിന്റെ പ്രധാന ഭാഗഭാക്കാകുന്നത്.
കണ്ണൻ, വിദ്യാധരൻ എന്നിവരാണ് ഈ ചിത്രത്തിലെ കേന്ദ്രകഥാപാത്രങ്ങളെ അവതരിപ്പിക്കുന്നത്.
കണ്ണൻ ഇടതുപക്ഷത്തിൻ്റേയും വിദ്യാധരൻ എതിർചേരിക്കാരനുമാണ്.ഇവർക്കു പിന്നിൽ എന്തിനും പോരുന്ന ഒരു സംഘം ചെറുപ്പക്കാരും.ഇവർക്കിടയിൽ സംഘർഷങ്ങളും ഉരസുകളും പതിവാണ്
.
ഇതിനിടയിൽ അന്യനാട്ടിൽ നിന്നും ഒരു പെൺകുട്ടി ഈ നാട്ടിലേക്ക് എത്തുന്നതോടെ കഥാഗതിയിൽ പുതിയ വഴിത്തിരിവുകൾക്കും ഇടയായി.
ഉദ്വേഗവും’ സംഘർഷവുമൊക്കെ നിറഞ്ഞു നിൽക്കുന്ന അന്തരീക്ഷത്തിലൂടെയാണ് ചിത്രം കടന്നു പോകുനതെങ്കിലും കൊച്ചു കൊച്ചു നർമ്മമുഹൂർത്തങ്ങൾ ഈ ചിത്രത്തെ ഏറെ രസാകരമാക്കുന്നു.
ധ്യാൻ ശ്രീനിവാസനും അജു വർഗീസുമാണ് കണ്ണനേയും വിദ്യാധരനേയുമവതരിപ്പിക്കുന്നത്.
നിർമ്മൽ പാലാഴി, സോഹൻ സീനുലാൽ, സുധീഷ്, നവാസ് വള്ളിക്കുന്ന്, ഉണ്ണിരാജാ, ശരത് ലാൽ, അനീഷ് ഗോപാൽ, രാജേഷ് അഴീക്കോട്, ദേവരാജ് കോഴിക്കോട്, ഭാനുമതി പയ്യന്നൂർ, പാർവ്വണ, രേവതി, ആമി ഗോപി പയ്യന്നർ, ഉഷ പയ്യന്നൂർ, വിസ്മയ, എന്നിവരും പ്രധാന വേഷങ്ങളിലെത്തുന്നു.പയ്യന്നൂർ, തളിപ്പറമ്പ് പ്രദേശങ്ങളിലെ നിരവധി കലാകാരന്മാർ, ഈ ചിത്രത്തിൽ അണിനിരക്കുന്നുണ്ട്.
മനു മഞ്ജിത്തിന്റെ വരികൾക്ക് അരുൺ മുരളീധരൻ ഈണം പകർന്നിരിക്കുന്നു.
ഫൈസൽ അലി ഛായാഗ്രഹണവും രതിൻ രാധാകൃഷ്ണൻ എഡിറ്റിംഗും നിർവ്വഹിക്കുന്നു.
‘ കലാസംവിധാനം -അജയൻ മങ്ങാട്.
മേക്കപ്പ് -ജയൻ പൂങ്കുളം.
കോസ്റ്റ്യം -ഡിസൈൻ -സുജിത് മട്ടന്നൂർ
ചീഫ് – അസ്സോസ്സിയേറ്റ് ഡയറക്ടർ – പ്രജിൻജെസ്സി .
പ്രൊഡക്ഷൻ മാനേജർമെഹ് മൂദ്
പ്രൊഡക്ഷൻ എക്സിക്കുട്ടീവ്സ് – പ്രസാദ് നമ്പ്യാങ്കാവ്.,അനീഷ് നന്ദിപുലം’
പ്രൊഡക്ഷൻ കൺട്രോളർ- സജീവ് ചന്തിരൂർ ‘
പി ആർ ഒ വാഴൂർ ജോസ്.
ഫോട്ടോ – സന്തോഷ് പട്ടാമ്പി .