സുഖമാണോ ദാവീദേ എന്ന ചിത്രത്തിനു ശേഷം രാജമോഹന്‍ സംവിധാനം ചെയ്യുന്ന ചിത്രമാണ് ആവണി. ഗ്രാമീണാന്തരീക്ഷത്തില്‍ അവതരിപ്പിക്കുന്ന ചിത്രം ഒരു ത്രികോണ പ്രണയകഥയാണ് പറയുന്നത്. ചിത്രത്തിന് ഓച്ചിറ പരബ്രഹ്മ ക്ഷേത്രത്തില്‍ തിരി തെളിഞ്ഞു. ആദ്യതിരി തെളിച്ചതും സ്വിച്ചോണ്‍കര്‍മ്മം നിര്‍വ്വഹിച്ചതും പി ജി ശശികുമാര വര്‍മ്മ (മുന്‍ രാജപ്രതിനിധി, പന്തളം കൊട്ടാരം ട്രസ്റ്റ് പ്രസിഡന്റ്) യായിരുന്നു.
തിരുച്ചെന്തൂര്‍ യാഗസാമ്രാട്ട് ബ്രഹ്മശ്രീ എന്‍ വെങ്കിടേശ്വര അയ്യര്‍ ആണ് ആദ്യ ക്‌ളാപ്പടിച്ചത്. ബ്രഹ്മശ്രീ എം എസ് ശ്രീരാജ് കൃഷ്ണന്‍ പോറ്റി (ദേശീയ ചെയര്‍മാന്‍, അഖില താന്ത്രി പ്രചാരക് സഭ), ജെ വിക്രമന്‍സ്വാമി കുരിയന്‍വിള (ശ്രീ ഭഗവതി മുടിപ്പുര ക്ഷേത്രാചാര്യന്‍, പാറശ്ശാല) എന്നിവര്‍ ചടങ്ങിനെ സാന്നിധ്യം കൊണ്ട് ധന്യമാക്കി.
സൂരജ്‌സണ്‍, അഭിരാമി ഗിരീഷ്, ദേവന്‍, ടി ജി രവി, ജയശങ്കര്‍, ശൈലജ തുടങ്ങിയവര്‍ക്കൊപ്പം പുതുമുഖങ്ങളും പ്രശസ്തരും അണിചേരുന്നു. ബാനര്‍ ദേവദാസ് ഫിലിംസ്, സംവിധാനം രാജമോഹന്‍, നിര്‍മ്മാണം കല്ലയം സുരേഷ്, തിരക്കഥ മിത്തല്‍ പുത്തന്‍വീട്, ഛായാഗ്രഹണം ലാല്‍ കണ്ണന്‍, എഡിറ്റിംഗ് അനന്തു വിജയ്, പ്രൊഡക്ഷന്‍ കണ്‍ട്രോളര്‍ ജയശീലന്‍ സദാനന്ദന്‍, ഗാനരചന എം ആര്‍ ജയഗീത, രാജന്‍ കാര്‍ത്തികപ്പള്ളി, കല്ലയം സുരേഷ്, ഉണ്ണി കുളമട, സംഗീതം ബിനോജ് ബിനോയി, ആലാപനം കെ എസ് ചിത്ര, നജിം അര്‍ഷാദ്, വിനിത, സീതാലക്ഷ്മി, കല അര്‍ക്കന്‍ എസ് കര്‍മ്മ, ചീഫ് അസ്സോസിയേറ്റ് ഡയറക്ടര്‍ പ്രദീപ് കടയങ്ങാട്, ചമയം പ്രദീപ് വിതുര, കോസ്റ്റിയും അരവിന്ദ് കെ ആര്‍, അസ്സോസിയേറ്റ് ഡയറക്ടര്‍ ബോബന്‍ ഗോവിന്ദന്‍, ഫിനാന്‍സ് കണ്‍ട്രോളര്‍ സണ്ണി താഴുത്തല, കോറിയോഗ്രാഫി രേവതി ചെന്നൈ, ഡിസൈന്‍സ് മനു ഡാവിഞ്ചി, സ്റ്റില്‍സ് അജേഷ് ആവണി, പിആര്‍ഓ അജയ് തുണ്ടത്തില്‍. കോഴിക്കോട് ബാലുശ്ശേരിയും പരിസര പ്രദേശങ്ങളുമാണ് ചിത്രത്തിന്റെ ലൊക്കേഷന്‍.
പ്രതികരിക്കാൻ ഇവിടെ എഴുതുക: