ന്യൂദല്‍ഹി: പ്രധാനമന്ത്രി നരേന്ദ്രമോദിയെ ഔദ്യോഗിക വസതിയിലെത്തി ഓണാശംസകള്‍ നേര്‍ന്ന് പശ്ചിമബംഗാള്‍ ഗവര്‍ണര്‍ ഡോ. സി.വി ആനന്ദബോസ്. തിരുവോണനാളിലാണ് ഡോ. സി.വി ആനന്ദബോസ് നരേന്ദ്രമോദിയെ അദ്ദേഹത്തിന്റെ വസതിയില്‍ സന്ദര്‍ശിച്ച് ഓണക്കോടിയും കേരളത്തിലെ വിശിഷ്ട നാടന്‍ വിഭവങ്ങളും സമ്മാനിച്ചത്.
45 മിനിറ്റു നീണ്ട കൂടിക്കാഴ്ചയില്‍ മാന്നാനത്ത് ആനന്ദബോസിന്റെ അയല്‍വാസിയായിരുന്ന അന്നമ്മയുടെ പ്രസിദ്ധമായ ആന്‍സ് ബേക്കറിയില്‍ പ്രത്യേകം തയ്യാറാക്കിയ വറുത്തുപ്പേരി, ശര്‍ക്കര വരട്ടി, ചക്കവറുത്തത്, അച്ചപ്പം, കുഴലപ്പം, ചുരുട്ട്, ചീട, കശുവണ്ടി പലഹാരങ്ങള്‍ തുടങ്ങിയ തനി നാടന്‍ വിഭവങ്ങളാണ് ഓണക്കോടിക്കൊപ്പം സമ്മാനിച്ചത്. ലോകമെമ്പാടുമുള്ള മലയാളികള്‍ക്ക് പ്രധാനമന്ത്രി ഓണാശംസയും നേര്‍ന്നു.
പ്രതികരിക്കാൻ ഇവിടെ എഴുതുക: