മുംബൈ: പ്രതിപക്ഷത്തിന് നശിപ്പിക്കാന്‍ കഴിയാത്ത ടെര്‍മിനേറ്ററാണ് മോദിയെന്നും മൂന്നാമതും മോദി പ്രധാനമന്ത്രിയാകുമെന്ന പ്രവചനം നടത്തി ബിജെപി. ‘2024ല്‍ തിരിച്ചുവരും’ എന്ന അടിക്കുറിപ്പോടെയാണ് താമരയും മോദിയും ഇരിക്കുന്ന ചിത്രം ബിജെപി പങ്കുവെച്ചിരിക്കുന്നത്. പ്രതിപക്ഷത്തിന് നശിപ്പിക്കാന്‍ കഴിയാത്ത ടെര്‍മിനേറ്ററായാണ് മോദിയെ ഈ പോസ്റ്ററില്‍ ചിത്രീകരിച്ചിരിക്കുന്നത്.
Opposition thinks PM Modi can be defeated. Dream on! The Terminator always wins. pic.twitter.com/IY3fYWMzbL
— BJP (@BJP4India) August 30, 2023
“മോദിയെ തോല്‍പിക്കാന്‍ കഴിയുമെന്ന് പ്രതിപക്ഷം വിചാരിക്കുന്നു. സ്വപ്നം കണ്ടോളൂ…പക്ഷെ ടെര്‍മിനേറ്റര്‍ എപ്പോഴും ജയിക്കുന്നു. “- ബിജെപി എക്സില്‍ പങ്കുവെച്ച ട്വീറ്റില്‍ പറയുന്നു.
മുംബൈയില്‍ 26 പ്രതിപക്ഷപാര്‍ട്ടികളുടെ യോഗം നടക്കുമ്പോള്‍ തന്നെ ബിജെപി നയിക്കുന്ന മഹാരാഷ്‌ട്ര സര്‍ക്കാരും രണ്ട് ദിവസത്തെ അവലോകന യോഗം ചേരുന്നുണ്ട്. മഹാരാഷ്‌ട്രയിലെ ലോക് സഭാ സീറ്റുകളില്‍ വിജയം നേടുന്നതിനെക്കുറിച്ചാണ് യോഗം ആലോചിക്കുക.
മുഖ്യമന്ത്രി ഏക് നാഥ് ഷിന്‍ഡേയുടെ ഔദ്യോഗിക വസതിയില്‍ ചേരുന്ന യോഗത്തില്‍ ഉപമുഖ്യമന്ത്രിമാരായ ദേവേന്ദ്ര ഫഡ് നാവിസ്, അജിത് പവാര്‍ എന്നിവര്‍ പങ്കെടുക്കും.
പ്രതികരിക്കാൻ ഇവിടെ എഴുതുക: