മുംബൈ: പ്രജ്ഞാനന്ദയുടെ മാതാപിതാക്കൾക്ക് ഇലക്ട്രിക് എക്‌സ്‌യുവി സമ്മാനിച്ച് ബിസിനസുകാരന്‍ ആനന്ദ് മഹീന്ദ്ര. സമൂഹമാധ്യമ സൈറ്റായ എക്സിലൂടെയാണ് അദ്ദേഹം ഇക്കാര്യം അറിയിച്ചത്. 16 ലക്ഷം മുതല്‍ മേലോട്ടാണ് മഹീന്ദ്രയുടെ എക്സ് യു വി 400 ന്റെ വില. പ്രജ്ഞാനന്ദയ്‌ക്ക് ഒരു ഥാർ നൽകണമെന്ന് പലരും സമൂഹമാധ്യമങ്ങളില്‍ ആനന്ദ് മഹീന്ദ്രയോട് അഭ്യര്‍ത്ഥിച്ചിരുന്നു.
എന്നാല്‍ പ്രജ്ഞാനന്ദയുടെ മാതാപിതാക്കളെ പ്രോത്സാഹിപ്പിക്കാനാണ് താന്‍ ആഗ്രഹിയ്‌ക്കുന്നുവെന്നും പ്രജ്ഞാനന്ദയില്‍ ചെസിനോട് അഭിനിവേശം വളര്‍ത്തിയ മാതാപിതാക്കള്‍ക്ക് മഹീന്ദ്രയുടെ ഇലക്ട്രിക് വാഹനമായ എക്സ് യുവി 400 നല്‍കുമെന്ന് ആനന്ദ് മഹീന്ദ്ര അറിയിച്ചു. വീഡിയോ ഗെയിമുകളുടെ ജനപ്രീതി വർദ്ധിച്ച ഇക്കാലത്ത് ചെസ് പോലെയുള്ള ബൗദ്ധിക ഗെയിമുകൾ ശീലമാക്കാൻ കുട്ടികളെ പ്രോത്സാഹിപ്പിക്കേണ്ടതാണ്. ഭാവിയിലേക്കുള്ള നിക്ഷേപം പോലെയാണിത്. ഒരു ഇലക്ട്രിക് വാഹനം ഭാവിയിലേക്കുള്ള നിക്ഷേപമായി എങ്ങിനെ മാറുന്നുവോ അതുപോലയാണ് മാതാപിതാക്കള്‍ പ്രജ്ഞാനന്ദയില്‍ ചെസിനോടുള്ള ആവേശം വളര്‍ത്തിയതെന്നും ആനന്ദ് മഹീന്ദ്ര ചൂണ്ടിക്കാട്ടി.
Appreciate your sentiment, Krishlay, & many, like you, have been urging me to gift a Thar to @rpragchess
But I have another idea …
I would like to encourage parents to introduce their children to Chess & support them as they pursue this cerebral game (despite the surge in… https://t.co/oYeDeRNhyh pic.twitter.com/IlFIcqJIjm— anand mahindra (@anandmahindra) August 28, 2023
പ്രജ്ഞാനന്ദയുടെ മാതാപിതാക്കളായ നാഗലക്ഷ്മി, രമേഷ്ബാബു എന്നിവർ മകനില്‍ ചെസിനോട് അഭിനിവേശം വളർത്തിയതിനും അവന് പിന്തുണ നൽകിയതിനും നന്ദി അർഹിക്കുന്നുവെന്നും അദ്ദേഹം കൂട്ടിച്ചേർത്തു. നോർവെയുടെ മാഗനസ് കാൾസനോട് ഫൈനലിൽ ഒന്നര പോയിന്‍റിന് പിന്നിലായെങ്കിലും ഇന്ത്യയുടെ അഭിമാനം വാനോളം ഉയർത്തിയാണ് പ്രജ്ഞാനന്ദയുടെ മടക്കം. കടുത്ത പ്രതിരോധമാണ് പ്രജ്ഞാനന്ദ ഉയർത്തിയത്.
ബുദ്ധിരാക്ഷസൻ എന്നായിരുന്നു പ്രജ്ഞാനന്ദയെ മാഗനസ് കാള്സന് വിശേഷിപ്പിച്ചത്. ഫൈനലിലെ ആദ്യരണ്ട് കളികളിൽ സമനിലയിൽ അവസാനിച്ചെങ്കിലും അവസാനത്തെ ട്രൈബ്രേക്കറിൽ മാഗ്നസ് കാള്സന് മുന്‍പില്‍ പ്രജ്ഞാനന്ദ പരാജയപ്പെട്ടു.
പ്രതികരിക്കാൻ ഇവിടെ എഴുതുക: