എഎസ്ആര്‍ ജില്ല (ആന്ധ്രാപ്രദേശ്): ആന്ധ്രാപ്രദേശിലെ എഎസ്ആര്‍ ജില്ലയില്‍ അനധികൃതമായി കഞ്ചാവ് കടത്തിയതിന് നാല് പേര്‍ പിടിയില്‍. അറസ്റ്റ് ചെയ്ത പ്രതികളില്‍ നിന്ന് ഒരു കോടിയോളം രൂപ വിലമതിക്കുന്ന കഞ്ചാവാണ് പിടിച്ചെടുത്തതെന്ന് പോലീസ് അറിയിച്ചു.
വെള്ളിയാഴ്ച ഒഡീഷയില്‍ നിന്ന് ആന്ധ്രയിലേക്ക് വന്‍തോതില്‍ കഞ്ചാവ് കടത്തുന്നതായി സീലേരു പോലീസിന് സൂചന ലഭിച്ചിരുന്നു. ഇതേതുടര്‍ന്ന് നടത്തിയ വാഹനം പരിശോധയിലാണ് 35 ചാക്കുകളിലായി 901 കിലോ കഞ്ചാവ് കണ്ടെത്തിയതെന്ന് പോലീസ് പറഞ്ഞു. കാരി അപ്പണ്ണ, ഷെട്ടി രാംബാബു, ഷെട്ടി ചിന്നബ്ബായി, കൊറ നാരായണ എന്നിവരാണ് അറസ്റ്റിലായ പ്രതികള്‍. നാല് പ്രതികള്‍ക്കെതിരെയും എന്‍ഡിപിഎസ് നിയമത്തിലെ പ്രസക്തമായ വകുപ്പുകള്‍ പ്രകാരമാണ് കേസെടുത്തിരിക്കുന്നത്.
സംഭവവുമായി ബന്ധപ്പെട്ട് ഒളിവില്‍ പോയ മറ്റ് മൂന്ന് പേര്‍ക്കെതിരെയും കേസെടുത്തിട്ടുണ്ടെന്ന് പോലീസ് അറിയിച്ചു. നാല് പ്രതികളെ ചോദ്യം ചെയ്തതില്‍ നിന്ന് ഇവര്‍ ഒഡീഷയിലെ ചിത്രകൊണ്ട ബ്ലോക്കിലെ ടേക്ക് പോധര്‍ ഗ്രാമത്തില്‍ നിന്നാണ് 901 കിലോ കഞ്ചാവ് വാങ്ങിയതെന്ന് പോലീസ് പറഞ്ഞു.
പ്രതികരിക്കാൻ ഇവിടെ എഴുതുക: