കോഴിക്കോട്: പ്രസവ ശസ്ത്രക്രിയക്കിടെ കോഴിക്കോട് സ്വദേശി ഹര്ഷിനയുടെ വയറ്റില് ശസ്ത്രക്രിയ ഉപകരണം കുടുങ്ങിയ സംഭവത്തില് നടപടികള് തുടരാമെന്ന് പോലീസിന് നിയമോപദേശം. ജില്ലാ ഗവണ്മെന്റ് പ്ലീഡര് ആന്ഡ് പ്രോസിക്യൂട്ടറാണ് മെഡിക്കല് നെഗ്ലിജന്സ് ആക്ട് പ്രകാരമെടുത്ത കേസില് നടപടി തുടരാമെന്ന് നിയമോപദേശം നല്കിയത്.
ഡോക്ടര്മാരെയും നഴ്സുമാരെയും അറസ്റ്റ് ചെയ്യുന്നതടക്കമുള്ള നടപടികളിലേക്ക് പൊലീസിന് കടക്കാം. ശസ്ത്രക്രിയ ചെയ്ത രണ്ട് ഡോക്ടര്മാരും രണ്ട് നഴ്സുമാരുമാണ് കേസില് പ്രതികള്. കേസില് കുറ്റപത്രം സമര്പ്പിക്കാമെന്നും പോലീസിന് നിയമോപദേശം ലഭിച്ചു. രണ്ട് വര്ഷം വരെ തടവ് ലഭിക്കാവുന്ന കുറ്റമാണ് പ്രതികള്ക്കെതിരെ ചുമത്തുക. കോഴിക്കോട് മെഡിക്കല് കോളേജിലെ പ്രസവ ശസ്ത്രക്രിയക്കിടെയാണ് ഹര്ഷിനയുടെ വയറ്റില് കത്രിക കുടുങ്ങിയത് എന്നായിരുന്നു പോലീസിന്റെ കണ്ടെത്തല്.
