നടന്‍ മഹേഷ് ബാബുവിന്റെ വളര്‍ത്തുനായ പ്ലൂട്ടോ അടുത്തിടെയാണ് ചത്തുപോയത്. ഇക്കാര്യം താരത്തിന്റെ ഭാര്യ നമ്രത ശിരോദ്കര്‍ സാമൂഹ മാധ്യമത്തിലൂടെ അറിയിച്ചു. നമ്രത ഇന്‍സ്റ്റാഗ്രാം അക്കൗണ്ടില്‍ അവരുടെ നായയുടെ ഫോട്ടോകള്‍ക്കൊപ്പം വികാരഭരിതമായ കുറിപ്പും എഴുതി. തുടര്‍ന്ന് ദമ്പതികളുടെ അവരുടെ മകള്‍ സിതാരയും ആദരാഞ്ജലി അര്‍പ്പിച്ച് പോസ്റ്റിട്ടു.
നായയുടെ ഒന്നിലധികം ഫോട്ടോകള്‍ നമ്രത പോസ്റ്റ് ചെയ്തു.’ പ്ലൂട്ടോയെ ഞങ്ങള്‍ എന്നും എപ്പോഴും മിസ് ചെയ്യും’ എന്ന അടിക്കുറിപ്പുമിട്ടു.
നമ്രതയുടെ സഹോദരി ശില്‍പ ശിരോദ്കറും ദുഖം പങ്കുവച്ചു. അതേസമയം മഹേഷ് ബാബു ഒരു പോസ്റ്റും ഷെയര്‍ ചെയ്തിട്ടില്ല.
സര്‍ക്കാര്‍ വാരി പാട എന്ന ചിത്രത്തിലാണ് മഹേഷ് ബാബു അവസാനമായി അഭിനയിച്ചത്. കഴിഞ്ഞ വര്‍ഷം റിലീസ് ചെയ്ത ചിത്രത്തിന് സമ്മിശ്ര പ്രതികരണമാണ് ലഭിച്ചത്. എന്നാലും, മഹേഷ് ബാബുവിന്റെ പ്രകടനം പ്രശംസിക്കപ്പെട്ടു. അത്തഡു, ഖലേജ തുടങ്ങിയ ചിത്രങ്ങള്‍ക്ക് പേരുകേട്ട ത്രിവിക്രം ശ്രീനിവാസ് സംവിധാനം ചെയ്യുന്ന തെലുങ്ക് ആക്ഷന്‍ ഡ്രാമയായ ഗുണ്ടൂര്‍ കാരത്തിലാണ് താരം അടുത്തതായി അഭിനയിക്കുന്നത്.
ഈ മാസം മഹേഷിന്റെ ജന്മദിനത്തില്‍ ഗുണ്ടൂര്‍ കാരത്തിന്റെ പുതിയ പോസ്റ്റര്‍ അണിയറപ്രവര്‍ത്തകര്‍ പുറത്തിറക്കിയിരുന്നു.മഹേഷ് ബാബുവിനെ കൂടാതെ മീനാക്ഷി ചൗധരി, ശ്രീലീല, ജഗപതി ബാബു, രമ്യാ കൃഷ്ണന്‍ എന്നിവരും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നു. ചിത്രം അടുത്ത വര്‍ഷം ജനുവരി 12 ന് തിയേറ്ററുകളില്‍ എത്തും.
പ്രതികരിക്കാൻ ഇവിടെ എഴുതുക: